TAFSIR AL-LAHAB (Bagian Ketiga -tamat-) UMMU JAMIL SANG PENYEBAR FITNAH

Al-Lahab [bagéan katilu]

فِي جِيدِهَا حَبْلٌ مِنْ مَسَدٍ (5)

[5] Dina beuheungna meulit tali injuk.

عَنْ إِسْمَاعِيلَ بْنِ مُحَمَّدِ بْنِ سَعْدِ بْنِ أَبِي وَقَّاصٍ ، عَنْ أَبِيهِ ، عَنْ جَدِّهِ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : أَرْبَعٌ مِنَ السَّعَادَةِ : الْمَرْأَةُ الصَّالِحَةُ ، وَالْمَسْكَنُ الْوَاسِعُ ، وَالْجَارُ الصَّالِحُ ، وَالْمَرْكَبُ الْهَنِيءُ ، وَأَرْبَعٌ مِنَ الشَّقَاوَةِ : الْجَارُ السُّوءُ ، وَالْمَرْأَةُ السُّوءُ ، وَالْمَسْكَنُ الضِّيقُ ، وَالْمَرْكَبُ السُّوءُ.

Ti Isma’il ibnu Muhammad ibnu Sa’ad ibnu Abi Waqqosh, ti ramana, ti akina rodiyallohu ‘anhu anjeuna nguningakeun: Rosululloh shollallohu ‘alaihi wa sallam ngandika, “Opat perkara nu jadi sumber kabungah: Kahiji, istri anu sholehah. Kadua, imah anu lega. Katilu, tatangga anu sholeh. Kaopat, kendaraan anu siap lamun dibutuhkeun. Jeung opat anu matak pikarudeteun: Tatangga anu goreng (akhlaq), pamajikan anu goreng (akhlaq), imah anu heurin, jeung kendaraan anu goreng.” ﴾Hr. Ibnu Hibban﴿

قَالَ سَعِيْدُ بْنُ الْمُسَيَّبِ : كَانَتْ لِأُمِّ جَمِيْلٍ قِلَادَةٌ فَاخِرَةٌ ، فَقَالَتْ : وَاللَّاتَ وَالعُزَّى لَأْنْفِقَنَّهَا فِيْ عَدَاوَةِ مُحَمَّدٍ ، فَأَعْقَبَهَا اللَّهُ حَبْلًا فِيْ جِيْدِهَا مِنْ مَسَدِالنَّارِ.

Sa’id ibnu Al-Musayyab rodiyallohu ‘anhu nguningakeun: Kabuktosan Ummu Jamil kagungan kongkorong anu jadi kameumeutna, pokna: “Demi Latta jeung ‘Uzza! Kuring rek ngajual ieu kongkorong pikeun ngawaragadan perang jeung Muhammad!”, mangka Alloh baris maparin wawales pikeun manehna ku tali dina beuheungna anu dijieun tina injuk seuneu naraka. ﴾Tafsir Al-Munir﴿

وَأَمَّا الآيَتَانِ الأَخِيْرَتَانِ : فَتَصِفَانِ عَذَابُ أُمُّ جَمِيْلٍ بِأَنَّهَا مَعَ زَوْجِهَا تَصُلُّى نَارُ جَهَنَّم وَتَذُوْقُ حَرُّهَا وَتَتَلَظَّى بِلَهَبِهَا ، وَأَنَّهَا هَالَكَةٌ فِي الدُّنْيَا ، وَمُعَذِّبَةٌ فِيْ الآخِرَةِ بِحَبْلٍ مِنْ نَاٍر ، وَسَلَاسِلَ مِنْ نَارِ جَهَنَّمَ تَطَوَّقَهَا ، لِإِيْذَائِهَا النَّبِيَّ صَلَّى اللَّهُ عَلَيْهِ وَسَلَّم ، فَإِنَّهَا كَانَتْ فِي غَايَةِ العَدَاوَةِ لَهُ، وَلِإِفْسَادِهَا بَيْنَ النَّاسِ بِالنَّمِيْمَةِ وَتَأْجِيْجُ نَارَ العَدَاوَةِ بَيْنَهُمْ.

Anapon dua ayat terakhir (tina surat al-Lahab) dua sifat anu jadi siksa pikeun Ummu Jamil alatan saenyana anjeuna kalih garwana ngahaneutan diri ku seuneu jahannam, baris ngarasakeun panasna saeutik-saeutik bari seuneuna ngabebela. Saeyana manehna cilaka di dunya sarta disiksa di akhiret ku kongkorong tina seuneu, rante tina seuneu jahannam baris ngongkorongan manehna alatan geus nganyenyeri bari ngahesekeun Nabi shollallohu ‘alaihi wa sallam alatan manehna aya dina tujuan ngamusuhan Nabi sarta kagorengpatutan manehna kulantara namimah (ngadu domba) antara manusa bari ngahurungkeun seuneu pangperangan antawis aranjeuna. ﴾Tafsir Al-Munir﴿

قَالَ الضَّحَاكُ وَغَيْرُهُ : كَانَتْ تَعَيَّرَ النًّبِيُّ صَلَّى اللَّهُ عَلَيْهِ وَسَلَّمَ بِالفَقْرِ ، وَهِيَ تَحْتَطِبُ فِيْ حَبْلٍ ، تَجْعَلُهُ فِيْ جِيْدِهَا مِنْ لِيْفٍ ، فخَنَقَهَا اللَّهُ جَلَّ وَعَزَّ بِهِ فِيْ الدُّنْيَا ، فَأَهْلَكَهَا ، وَهُوَ فِيْ الآخِرَةِ حَبْلٌ مِنْ نَارٍ.

Adl-Dlohak kalih ulama anu lianna nguningakeun: Kabuktosan Ummu Jamil ngaluluguan sangkan Nabi shollallohu ‘alaihi wa sallam susah, manehna kukumpul dina kongkorong, Alloh baris ngajantenkeun dina beuheungna injuk mangka Alloh Jalla wa ‘Azza nyekék manehna di dunya dugikeun ka cilakana jeung di akherat eta kongkorong jadi tali tina seuneu. ﴾Tafsir Al-Munir﴿

قَالَ العُلَمَاءُ : فِيْ هذِهِ السُّوْرَةِ مُعْجِزَةٌ ظَاهِرَةٌ وَدَلِيْلٌ وَاضِحٌ عَلَى النُّبُوَّةِ ، فَإِنَّهُ مُنْذُ نَزَلَ قَوْلُهُ تَعَالَى : سَيَصْلى ناراً ذاتَ لَهَبٍ ، وَامْرَأَتُهُ حَمَّالَةَ الْحَطَبِ ، فِي جِيدِها حَبْلٌ مِنْ مَسَدٍ فَأَخْبَرَ عَنْهُمَا بِالشَّقَاءِ وَعَدَمِ الإِيْمَانِ ، لَمْ يقَيِّضْ لَهُمَا أَنْ يُؤْمِنَا ، وَلَا وَاحِدَ مِنْهُمَا ، لَا ظَاهِرًا وَلَا بَاطِنًا، وَلَا سِرًّا وَلَا عَلَنًا ، فَكَانَ هذَا مِنْ أَقْوَى الأَدِلَّةِ البَاهِرَةِ البَاطِنَةِ عَلَى النُّبُوَّةِ الظَّاهِرَةِ.

Para ulama nguningakeun: Dina ieu surat kaunggel mu’jizat anu jentre kalih dalil anu tetela ngeunaan kanabian, alatan nalika turun dawuhan Alloh Ta’ala: Sayashlaa naaron dzaata lahab, wamroatuhuu hammaa latal-hatom, fii jiidihaa hablun min masad mangka Alloh nguningakeun ngeunaan kasangsaraan dua jalma eta bari teu ayana kaimanan, henteu naqdirkeun duanana iman jeung henteu salahsaurangna boh sacara lahir boh sacara batin, henteu oge sacara susulumputan oge henteu sacara nembrak, mangka ieu mangrupikeun kakuatan pituduh anu suminar nyamuni kana kanabian anu nembrak. ﴾Tafsir Al-Munir﴿