TAYAMMUM (Bagian Pertama)

بَابُ التَّيَمُّمِ

BAB TAYAMMUM

136 - عَنْ جَابِرِ بْنِ عَبْدِ اللَّهِ رَضِيَ اللَّهُ عَنْهُمَا; أَنَّ النَّبِيَّ صلى الله عليه وسلم قَالَ: «أُعْطِيتُ خَمْسًا لَمْ يُعْطَهُنَّ أَحَدٌ قَبْلِي: نُصِرْتُ بِالرُّعْبِ مَسِيرَةَ شَهْرٍ, وَجُعِلَتْ لِي الْأَرْضُ مَسْجِدًا وَطَهُورًا, فَأَيُّمَا رَجُلٍ أَدْرَكَتْهُ الصَّلَاةُ فَلْيُصَلِّ». وَذَكَرَ الْحَدِيثَ.

136 – Ti Jabir bin ‘Abdillah rodiyallohu ‘anhuma, satemena Nabi shollallohu ‘alaihi wa sallam ngandika, “Kaula dipaparin lima perkara anu henteu dipasihkeun ka saurang oge sateuacan kaula: ¹kaula dipaparin pitulung ku rasa kasieun (musuh) salami sabulan, ²bumi dijantenkeun tempat sujud (masjid) kalih alat susuci pikeun kaula, mangka saha bae anu cunduk waktu sholat prak anjeuna sholat.” Al-Hadits. Hr. Muttafaq ‘Alaihi.

137 - وَفِي حَدِيثِ حُذَيْفَةَ عِنْدَ مُسْلِمٍ: «وَجُعِلَتْ تُرْبَتُهَا لَنَا طَهُورًا, إِذَا لَمْ نَجِدِ الْمَاءَ».

137 – sarta dina hadits ti Hudzaifah riwayat Muslim diuningakeun: “sarta taneuh dijantenkeun alat susuci pikeun abdi sadaya nalika henteu mendakan cai.”

138 - وَعَنْ عَلِيٍّ - رضي الله عنه - عِنْدَ أَحْمَدَ: «وَجُعِلَ التُّرَابُ لِي طَهُورًا».

138 – sarta ti ‘Ali rodiyallohu ‘anhu riwayat Ahmad, “sarta taneuh dijantenkeun alat susuci pikeun kaula”.

Syarah al-Hadits

عَنْ جَابِرِ بْنِ عَبْدِ اللَّهِ رَضِيَ اللَّهُ عَنْهُمَا قَالَ : قَالَ رَسُولُ اللهِ صلى الله عليه وسلم : أُعْطِيتُ خَمْسًا لَمْ يُعْطَهُنَّ أَحَدٌ مِنَ الأَنْبِيَاءِ قَبْلِي نُصِرْتُ بِالرُّعْبِ مَسِيرَةَ شَهْرٍ وَجُعِلَتْ لِيَ الأَرْضُ مَسْجِدًا وَطَهُورًا وَأَيُّمَا رَجُلٍ مِنْ أُمَّتِي أَدْرَكَتْهُ الصَّلاَةُ فَلْيُصَلِّ وَأُحِلَّتْ لِيَ الْغَنَائِمُ ، وَكَانَ النَّبِيُّ يُبْعَثُ إِلَى قَوْمِهِ خَاصَّةً وَبُعِثْتُ إِلَى النَّاسِ كَافَّةً وَأُعْطِيتُ الشَّفَاعَةَ.

Ti Jabir bin ‘Abdillah rodiyallohu ‘anhuma, satemena Nabi shollallohu ‘alaihi wa sallam ngandika, “Kaula dipaparin lima perkara anu henteu dipasihkeun ka saurang oge sateuacan kaula: ¹kaula dipaparin pitulung ku rasa kasieun (musuh) salami sabulan, ²bumi dijantenkeun tempat sujud (masjid) kalih alat susuci pikeun kaula, mangka saha bae anu cunduk waktu sholat prak anjeuna sholat, ³ghonimah dihalalkeun pikeun kaula, ⁴nabi diutus khusus pikeun kaumna anapon kaula diutus pikeun manusa sakabehna, jeung ⁵kaula dipaparin (hak) syafa’at. Shohih Al-Bukhori.

...وَإِن كُنتُم مَّرْضَى أَوْ عَلَى سَفَرٍ أَوْ جَاء أَحَدٌ مَّنكُم مِّنَ الْغَائِطِ أَوْ لاَمَسْتُمُ النِّسَاء فَلَمْ تَجِدُواْ مَاء فَتَيَمَّمُواْ صَعِيدًا طَيِّبًا فَامْسَحُواْ بِوُجُوهِكُمْ وَأَيْدِيكُم مِّنْهُ...

...jeung upama maraneh keur gering atawa keur indit-inditan, atawa maraneh tas ti pacilingan (kakus), atawa maraneh paantel (saresmi) jeung awewe tapi teu manggih cai, geura tayammum ku taneuh anu beresih, (nyaeta) usap beungeut jeung leungeun maraneh ku taneuh... Qs. Al-Maidah: 6.

Kaifiyat Tayammum

139 - وَعَنْ عَمَّارِ بْنِ يَاسِرٍ رَضِيَ اللَّهُ عَنْهُمَا قَالَ: بَعَثَنِي النَّبِيُّ - صلى الله عليه وسلم - فِي حَاجَةٍ, فَأَجْنَبْتُ, فَلَمْ أَجِدِ الْمَاءَ, فَتَمَرَّغْتُ فِي الصَّعِيدِ كَمَا تَمَرَّغُ الدَّابَّةُ, ثُمَّ أَتَيْتُ النَّبِيَّ - صلى الله عليه وسلم - فَذَكَرْتُ ذَلِكَ لَهُ, فَقَالَ: «إِنَّمَا كَانَ يَكْفِيكَ أَنْ تَقُولَ بِيَدَيْكَ هَكَذَا»، ثُمَّ ضَرَبَ بِيَدَيْهِ الْأَرْضَ ضَرْبَةً وَاحِدَةً, ثُمَّ مَسَحَ الشِّمَالَ عَلَى الْيَمِينِ, وَظَاهِرَ كَفَّيْهِ وَوَجْهَهُ. مُتَّفَقٌ عَلَيْهِ, وَاللَّفْظُ لِمُسْلِمٍ.

139 – ti ‘Ammar bin Yasir rodiyallohu ‘anhuma anjeuna sasanggem: Nabi shollallohu ‘alaihi wa sallam ngutus sim kuring dina hiji kaperyogian lajeng sim kuring junub bari henteu mendakan cai mangka sim kuring gulang-guling dina taneuh saperti gulang-gulingna sato, lajeng sim kuring nepangan Nabi shollallohu ‘alaihi wa sallam nguningakeun padamelan eta ka anjeuna, mangka Nabi ngandika, “Taya lian cekap pikeun anjeun ku nepuk dua dampal panangan anjeun kieu!”, lajeng Nabi nepukkeun dua dampal pananganana kana taneuh sakali tepukan teras ngusapkeun panangan kiwa kana panangan tengen, tonggong dua dampal pananganana, sarta kana pameunteuna. Hr. Muttafaq ‘Alaihi, lafadz riwayat Muslim.

 - 140وَفِي رِوَايَةٍ لِلْبُخَارِيِّ: وَضَرَبَ بِكَفَّيْهِ الْأَرْضَ, وَنَفَخَ فِيهِمَا, ثُمَّ مَسَحَ بِهِمَا وَجْهَهُ وَكَفَّيْهِ.

140 – sarta dina riwayat Al-Bukhori: lajeng Nabi nepukkeun dua dampal pananganana kana taneuh teras niupna lajeng ngusap pameunteu kalih dua dampal pananganana.

141 - وَعَنِ ابْنِ عُمَرَ رَضِيَ اللَّهُ عَنْهُمَا قَالَ: قَالَ رَسُولُ اللَّهِ - صلى الله عليه وسلم: «التَّيَمُّمُ ضَرْبَتَانِ: ضَرْبَةٌ لِلْوَجْهِ, وَضَرْبَةٌ لِلْيَدَيْنِ إِلَى الْمِرْفَقَيْنِ». رَوَاهُ الدَّارَقُطْنِيُّ, وَصَحَّحَ الْأَئِمَّةُ وَقْفَهُ.

141 – ti Ibnu ‘Umar rodiyallohu ‘anhuma anjeuna sasanggem: Rosululloh shollallohu ‘alaihi wa sallam ngandika, “Tayammum teh dua kali tepuk: satepuk pikeun pameunteu, jeung satepuk pikeun dua panangan dugikeun ka dua sikut.” Hr. Ad-Daroquthni, para imam hadits nga-MAUQUF-keun ieu hadits.

Watesan Waktos Tiasa Tayammum

142 عَنْ أَبِي هُرَيْرَةَ رضي الله عنه قَالَ قَالَ رَسُولُ اللَّهِ صلى الله عليه وسلم «الصَّعِيدُ وُضُوءُ الْمُسْلِمِ وَإِنْ لَمْ يَجِدِ الْمَاءَ عَشْرَ سِنِينَ, فَإِذَا وَجَدَ الْمَاءَ فَلْيَتَّقِ اللَّهَ, وَلْيُمِسَّهُ بَشَرَتَهُ». رَوَاهُ الْبَزَّارُ, وَصَحَّحَهُ ابْنُ الْقَطَّانِ, وَ لَكِنْ صَوَّبَ الدَّارَقُطْنِيُّ إِرْسَالَهُ.

142 – ti Abu Huroiroh rodiyallohu ‘anhu anjeuna sasanggem: Rosululloh shollallohu ‘alaihi wa sallam ngandika, “Taneuh teh alat wudlu jalma muslim sok sanajan henteu mendak cai sapuluh taun, mangka nalika mendakan cai prak anjeuna taqwa ka Alloh lajeng ngusap kulitna ku cai.”

Hr. Al-Bazzar, kalih Ibnul-Qoththon ngashohihkeunana, namung Ad-Daroquthni nga-MURSAL-keun ieu hadits.

144 عَنْ أَبِي سَعِيدٍ الْخُدْرِيِّ رضي الله عنه قَالَ خَرَجَ رَجُلَانِ فِي سَفَرٍ, فَحَضَرَتْ الصَّلَاةُ وَلَيْسَ مَعَهُمَا مَاءٌ فَتَيَمَّمَا صَعِيدًا طَيِّبًا, فَصَلَّيَا, ثُمَّ وَجَدَا الْمَاءَ فِي الْوَقْتِ. فَأَعَادَ أَحَدُهُمَا الصَّلَاةَ وَالْوُضُوءَ, وَلَمْ يُعِدِ الْآخَرُ, ثُمَّ أَتَيَا رَسُولَ اللَّهِ صلى الله عليه وسلم فَذَكَرَا ذَلِكَ لَهُ, فَقَالَ لِلَّذِي لَمْ يُعِدْ «أَصَبْتَ السُّنَّةَ وَأَجْزَأَتْكَ صَلَاتُكَ» وَقَالَ لِلْآخَرِ «لَكَ الْأَجْرُ مَرَّتَيْنِ». رَوَاهُ أَبُو دَاوُدَ, و النَّسَائِيُّ

144 – ti Abi Sa’id al-Khudri rodiyallohu ‘anhu anjeuna sasanggem: Dua pameget safar lajeng sumping waktos sholat bari duanana henteu mendakan cai, mangka aranjeuna tayammum ku taneuh anu suci lajeng aranjeuna sholat. Dina waktos nu sanes, aranjeuna teras mendakkan cai, mangka salahsaurangna ngajantenan deui wudlu kalih sholatna, anu saurang deui henteu ngajantenan deui. Aranjeuna lajeng nepangan Rosululloh shollallohu ‘alaihi wa sallam nguningakeun amalan eta, Nabi ngandika ka anu henteu ngajantenan deui: “Anjeun parantos luyu jeung sunnah sarta sholat anjeun sah!”. Sarta Nabi ngandika ka anu ngajantenan deui: “Pikeun anjeun dua ganjaran!”. Hr. Abu Daud kalih An-Nasai.

Syarah al-Hadits

143 - وَلِلتِّرْمِذِيِّ: عَنْ أَبِي ذَرٍّ نَحْوُهُ, وَصَحَّحَهُ.

143 – sarta dina riwayat At-Tirmidzi ti Abi Dzar sapertos kitu (hadits no.142), At-Tirmidzi nga-SHOHIH-keunana.