DIANTARA KAIDAH TAFSIR AL-QUR'AN (RINGKASAN)

مِنْ قَوَاعِدِ تَفْسِيْرِ القُرْآنِ

Diantawis Qaidah Tafsir Al-Qur’an

Didugikeun ku:

Hanafi Anshory

اَلْقُرْآنُ هُوَ كَلَامُ اللهِ الْمُعْجِزُ , وَوَحْيُهُ الْمُنَزَّلُ عَلَى نَبِيِّهِ مُحَمَّدٍ صَلَّى اللهُ عَلَيْهِ وَسَلَّمَ , اَلْمَكْتُوْبُ فِيْ الْمَصَاحِفِ , اَلْمَنْقُوْلُ عَنْهُ بِالتَّوَاتِرِ , اَلْمُتَعَبَّدُ بِتِلَاوَتِهِ . ﴿تلخيص كتاب لمحات في علوم القرآن واتجاهات التفسير: 1: 1﴾

Al-Qur’an nyaeta kalam Alloh mangrupikeun mu’jizat, wahyu Mantena anu dilungsurkeun ka Nabi Muhammad shollallohu ‘alaihi wa sallam, ditulis dina mushaf-mushaf, didugikeun ti Nabi kalayan mutawatir, janten ibadah ku maosna. ﴾Talkhis Kitab li Mahat fi ‘Ulumi al-Qur’an wa Ittajahati at-Tafsir: 1: 1﴿

مَقَاصِدُ اللَّفْظِ عَلَى نِيَّةِ اللَّافِظِ. ﴿إيضاح القواعد الفقهية لطلاب المدرسة الصولتية للحجي: 1: 26﴾

Maksud hiji lafadz gumantung kana niat anu ngalafadzkeun. ﴾Idlohu al-Qowa’idi: 1: 26﴿

لِأَنَّ التَّفْسِيْرَ هُوَ الَّذِيْ يُبَيِّنُ القُرْآنَ وَيَفْهَمُهُ أَمَّا التَّرْجَمَةُ فَتَصْوِيْرُ لِلْأَصْلِ فَحَسِبَ وَلَيْسَ مِنْ وَظِيْفَتِهَا البَيَانُ وَالتَّفْهِيْمُ. ﴿مناهل العرفان في علوم القرآن: 2: 143﴾

Satemena tafsir anu ngajentrekeun al-Qur’an kalih mahamkeunana, anapon tarjamah maparin ‘gambaran’ pikeun lafadz aslina mangka dumasar duduga sarta sanes tugasna tarjamah pikeun ngajentrekeun kalih mahamkeun. ﴾Manahilu al-‘Irfan fi ‘Ulumi al-Qur’an: 2: 143﴿

أُمَّهَاتِ مَآخِذُ التَّفْسِيْرِ: اَلأَوَّلُ: اَلنَّقْلُ عَنْ رَسُوْلِ الله صَلَّى اللَّهُ عَلَيْهِ وَسَلَّمَ. اَلثَّانِيُّ: اَلْأَخْذُ بِقَوْلِ الصَّحَابِيِّ. اَلثَّالِثُ: اَلْأَخْذُ بِمُطْلَقِ اللُّغَةِ. اَلرَّابِعُ: اَلتَّفْسِيْرُ بِالْمُقْتَضَى مِنْ مَعْنَى الكَلَامِ وَالْمُقْتَضَبِ مِنْ قُوَّةِ الشَّرْعِ. ﴿البرهان في علوم القرآن: 2: 156-164﴾

Indungna tafsir: ^[1]Nyandak ti Rosululloh shollallohu ‘alaihi wa sallam. ^[2]Nyandak cariosan sahabat. ^[3]Nyandak kaumuman/kasampurnaan basa. ^[4]Tafsir dumasar katetepan ma’na kalam kalih dicandak dumasar kakuatan syara’. ﴾Al-Burhan fi ‘Ulumi al-Qur’ani: 2: 156-164﴿

اَلتَّفْسِيْرُ بِالْمَأْثُوْرِ: هُوَ الَّذِيْ يَعْتَمِدُ عَلَى صَحِيْحِ الْمَنْقُوْلِ بِالْمَرَاتِبِ الَّتِيْ ذُكِرْتُ سَابِقًا فِيْ شُرُوْطِ الْمُفَسِّرِ، مِنْ تَفْسِيْرِ القُرْآنِ بِالقُرْآنِ، أَوْ بِالسٌّنَّةِ؛ لِأَنَّهَا جَاءَتْ مُبَيِّنَةٍ لِكِتَابِ اللهِ، أَوْ بِمَا رُوِيَ عَنِ الصَّحَابَةِ؛ لِأَنَّهُمْ أَعْلَمُ النَّاسُ بِكِتَابِ اللهِ، أَوْ بِمَا قَالَهُ كِبَارُ التَّابِعِيْنَ؛ لِأَنَّهُمْ تَلِقُوْا ذَالِكَ غَالِبًا عَنِ الصَّحَابَةِ. ﴿مباحث في علوم القرآن: 1: 358﴾

At-Tafsir bil-Ma-tsur: nyaeta tafsir anu nyekel kana riwayat nu shohih kalayan ngaruntut sakumaha diuningakeun dina syarat-syarat mufassir, nyaeta ^[1]tafsir al-Qur’an ku al-Qur’an, atanapi ^[2]ku as-Sunnah alatan as-Sunnah sumping pikeun ngajentrekeun Kitabulloh, atanapi ^[3]tafsir shahabat alatan aranjeuna jalma-jalma anu paling uninga kana Kitabulloh, atanapi ^[4]tafsir tabi’in senior alatan aranjeuna biasana nampi elmu ti shahabat. ﴾Mabahitsu fi ‘Ulumi al-Qur’ani: 1: 358﴿

وَلَا تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولَئِكَ كَانَ عَنْهُ مَسْئُولًا

Jeung poma maneh ulah rek tuturut kana saniskara anu maneh henteu boga pangaweruh perkara eta, karana saestuna pangdenge, panenjo katut hate teh kabehanana oge bakal dipariksa. ﴾Qs. al-Isro [17]: 36﴿