HUKUM JUNUB / JANABAT (Bagian Ketiga)

SYARÉAT MANDI JUNUB PIKEUN MUALLAF

121 - وَعَنْ أَبِي هُرَيْرَةَ - رضي الله عنه - فِي قِصَّةِ ثُمَامَةَ بْنِ أُثَالٍ, عِنْدَمَا أَسْلَم - وَأَمَرَهُ النَّبِيُّ - صلى الله عليه وسلم - أَنْ يَغْتَسِلَ. رَوَاهُ عَبْدُ الرَّزَّاقِ. وَأَصْلُهُ مُتَّفَقٌ عَلَيْهِ.

121 – Ti Abu Huroiroh rodiyallohu ‘anhu, ngeunaan kisah Tsumamah bin Utsal nalika lebet Islam, Nabi shallallahu ‘alaihi wa sallam marentahkeun anjeuna pikeun mandi. Hr. Abdurrazzaq, kawitna riwayat Muttafaq ‘Alaihi.

KAWAJIBAN MANDI JUM’AT

122 - وَعَنْ أَبِي سَعِيدٍ - رضي الله عنه - أَنَّ رَسُولَ اللَّهِ - صلى الله عليه وسلم - قَالَ: «غُسْلُ الْجُمُعَةِ وَاجِبٌ عَلَى كُلِّ مُحْتَلِمٍ». أَخْرَجَهُ السَّبْعَةُ.

122 – Ti Abi Sa’id rodiyallohu ‘anhu, satemena Rosululloh shollallohu ‘alaihi wa sallam ngandika, “Mandi jum’at wajib pikeun unggal pameget anu parantos ihtilam”. Hr. Imam anu Tujuh.

KU WUDLU: SAH, KU MANDI: LANGKUNG UTAMI PIKEUN JUM’AT

123 - عَنْ سَمُرَةَ قَالَ قَالَ رَسُولُ اللَّهِ صلى الله عليه وسلم « مَنْ تَوَضَّأَ يَوْمَ الْجُمُعَةِ فَبِهَا وَنِعْمَتْ وَمَنِ اغْتَسَلَ فَهُوَ أَفْضَلُ ».

123 - Ti Samuroh rodiyallohu ‘anhu anjeuna sasanggem: Rosululloh shollallohu ‘alaihi wa sallam ngandika, “Sing saha anu wudlu nalika dintenan jum’at mangka kalintang saena sarta sing saha anu mandi mangka eta anu langkung utami”. Hr. Sunan Abu Daud.

SUSUCI SANES SYARAT SAH MAOS AL-QUR’AN

124 - وَعَنْ عَلِيٍّ - رضي الله عنه - قَالَ: كَانَ رَسُولُ اللَّهِ - صلى الله عليه وسلم - يُقْرِئُنَا الْقُرْآنَ مَا لَمْ يَكُنْ جُنُبًا. رَوَاهُ الْخَمْسَةُ, وَهَذَا لَفْظُ التِّرْمِذِيِّ وَحَسَّنَةُ, وَصَحَّحَهُ ابْنُ حِبَّانَ.

124 – Ti ‘Ali rodiyallohu ‘anhu anjeuna sasanggem: Kabuktosan Rosululloh shollallohu ‘alaihi wa sallam maos Al-Qur’an nalika henteu dina kaayaan junub. Hr. Imam anu lima, lafadz hadits kagungan riwayat At-Tirmidzi kalih anjeuna ngahasankeunana, sarta Ibnu Hibban ngashohihkeun.

Takhrij al-Hadits:

ضعيف. رواه أبو داود (229)، والنسائي (144)، والترمذي (146)، ابن ماجه (594)، وأحمد (1/ 83)، وابن حبان (799) ولبعضهم ألفاظ أخر.

Hadits dhoif, riwayat Abu Daud (229), An-Nasai (144), At-Tirmidzi (146), Ibnu Majah (594), Ahmad (1/ 83), kalih Ibnu Hibban (799), sarta dina riwayat ulama nu sanesna aya lafadz hadits anu sanes.

WUDLU DEUI NALIKA BADE SARESMI DEUI

125 - وَعَنْ أَبِي سَعِيدٍ الْخُدْرِيِّ - رضي الله عنه - قَالَ: قَالَ رَسُولُ اللَّهِ - صلى الله عليه وسلم: «إِذَا أَتَى أَحَدُكُمْ أَهْلَهُ, ثُمَّ أَرَادَ أَنْ يَعُودَ فَلْيَتَوَضَّأْ بَيْنَهُمَا وُضُوءًا». رَوَاهُ مُسْلِمٌ.

125 – Ti Abi Sa’id Al-Khudriy rodiyallohu ‘anhu anjeuna sasanggem: Rosululloh shollallohu ‘alaihi wa sallam ngandika, “Nalika salahsawios ti aranjeun nyumpingan garwana lajeng ngamaksad pikeun ngajantenan deui mangka prak anjeuna wudlu antawis dua eta.” Hr. Muslim,

126 - زَادَ الْحَاكِمُ: «فَإِنَّهُ أَنْشَطُ لِلْعَوْدِ».

126 - Dina riwayat Al-Hakim aya tambihan: “Alatan satemena wudlu eta maparin sumanget pikeun ngajantenan deui”.

Wastaghfirulloh, Walhamdulillah, Wallohu Alam.