MANDI JUNUB / JANABAT

بَابُ الغُسْلِ وَ حُكْمِ الجُنُبِ

BAB MANDI [JANABAT] KALIH HUKUM JUNUB

115 - عَنْ أَبِي سَعِيدٍ الْخُدْرِيِّ - رضي الله عنه - قَالَ: قَالَ رَسُولُ اللَّهِ - صلى الله عليه وسلم: «الْمَاءُ مِنَ الْمَاءِ». رَوَاهُ مُسْلِمٌ. وَأَصْلُهُ فِي الْبُخَارِيِّ.

115 – Ti Abi Sa’id Al-Khudriy rodiyallohu ‘anhu anjeuna sasanggem: Rosululloh shollallohu ‘alaihi wa sallam ngandika, “Cai teh tina cai”. Hr. Muslim, sarta asalna tina riwayat Al-Bukhoriy.

Syarah al-Hadits

«الْمَاءُ مِنَ الْمَاءِ» أَيْ: اَلْاِغْتِسَالُ مِنَ الإِنْزَالِ، فَالْمَاءُ الأَوَّلُ الْمَعْرُوْفُ، وَالثَّانِيْ الْمَنِيُّ.

“Cai teh tina cai” nyaeta: al-ightisal [mandi najabat] teh alatan tina al-inzaal [kaluarna cai]. Cai anu kahiji parantos para uninga, anapon anu kadua maksadna cai mani. Subulus Salam, juz 1.

عَنْ أُبَىِّ بْنِ كَعْبٍ أَنَّهُ قَالَ يَا رَسُولَ اللهِ إِذَا جَامَعَ الرَّجُلُ الْمَرْأَةَ فَلَمْ يُنْزِلْ قَالَ يَغْسِلُ مَا مَسَّ الْمَرْأَةَ مِنْهُ ثُمَّ يَتَوَضَّأُ وَيُصَلِّي. قَالَ أَبُو عَبْدِ اللهِ (البخاري) :الْغَسْلُ أَحْوَطُ وَذَاكَ الآخِرُ وَإِنَّمَا بَيَّنَّا لاِخْتِلاَفِهِمْ.

Ti Ubay bin Ka’ab rodiyallohu ‘anhu saenyana anjeuna kantos tumaros, “Nun Rosululloh, kumaha upami sapatemon pameget sareng garwana namung henteu dikaluarkeun [mani-na]?”. Waler Nabi, “Wasuh anu nyabak garwana eta [raranganana] lajeng prak anjeuna wudlu teras sholat”. Abu ‘Abdulloh [Al-Bukhori] nguningakeun, “Mandi langkung utami pikeun ati-ati, ieu mangrupikeun akhir pedaran Bab, abdi sadaya parantos nguningakeun perbentenan pamadegan aranjeun [para imam hadits]”. Shohih Al-Bukhori.

وَقَالَ الجُمْهُوْرُ: هذَا الْمَفْهُوْمُ مَنْسُوْخٌ بِحَدِيْثِ أَبِيْ هُرَيْرَةَ الآتِيْ:

Jumhur Ulama [kaseueuran ulama hadits] nguningakeun: Pamahaman ieu parantos dimansukh [dikhususkeun] ku hadits ti Abi Huroiroh dina hadits anu salajengna:

116 - وَعَنْ أَبِي هُرَيْرَةَ - رضي الله عنه - قَالَ: قَالَ رَسُولُ اللَّهِ - صلى الله عليه وسلم: «إِذَا جَلَسَ بَيْنَ شُعَبِهَا الْأَرْبَعِ, ثُمَّ جَهَدَهَا, فَقَدْ وَجَبَ الْغُسْلُ». مُتَّفَقٌ عَلَيْهِ.

116 – ti Abi Huroiroh rodiyallohu ‘anhu anjeuna sasanggem: Rosululloh shollallohu ‘alaihi wa sallam ngandika, “Nalika saurang jalma calik antawis opat bagean salirana, lajeng anjeuna ngaenyakeunana (‘bersungsuh-sungguh’), mangka estu wajib mandi”. Hr. Muttafaq ‘Alaihi.

117 - زَادَ مُسْلِمٌ: «وَإِنْ لَمْ يُنْزِلْ».

117 – riwayat Imam Muslim aya tambihan, “... sok sanaos henteu dikaluarkeun (mani-na)”.

Takhrij al-Hadits:

صَحِيْحُ اَلْبُخَارِيُّ: كِتَابُ الْغُسْلِ: بَاب إِذَا الْتَقَى الْخِتَانَانِ.

Shohih Al-Bukhori: Kitab al-Ghuslu [Mandi]: Bab Nalika tepang dua anu dikhitan.

ISTRI KALIH PAMEGET WAJIB MANDI JUNUB NALIKA IHTILAM

118 - وَعَنْ أَنَسِ [بْنِ مَالِكٍ]- رضي الله عنه - قَالَ: قَالَ رَسُولُ اللَّهِ - صلى الله عليه وسلم - فِي الْمَرْأَةِ تَرَى فِي مَنَامِهَا مَا يَرَى الرَّجُلُ- قَالَ: «تَغْتَسِلُ». مُتَّفَقٌ عَلَيْهِ.

118 – Ti Anas bin Malik rodiyallohu ‘anhu anjeuna sasanggem: Rosululloh shollallohu ‘alaihi wa sallam ngandika ngeunaan istri anu dina kulemna ninggal perkara anu ditinggal ku pameget, pangadika Nabi, “Anjeuna wajib mandi”. Hr. Muttafaq ‘Alaihi.

119 - زَادَ مُسْلِمٌ: فَقَالَتْ أُمُّ سُلَيْمٍ: وَهَلْ يَكُونُ هَذَا؟ قَالَ: «نَعَمْ فَمِنْ أَيْنَ يَكُونُ الشَّبَهُ؟».

120 – riwayat Imam Muslim aya tambihan: Mangka Ummu Sulaim tumaros, “Naha tiasa kajantenan kitu?”, waler Nabi, “Sumuhun, lajeng ti mana sumpingna kamiripan?”.