KAIFIYAT (TATA CARA) WUDLU / WUDHU, MANDI JUNUB / JANABAT, DAN TAYAMMUM

KAIFIYAT WUDLU, MANDI JUNUB, KALIH TAYAMMUM ROSULULLOH SAW.

A.  KAIFIYAT WUDLU

عَنْ حُمْرَانَ: أَنَّ عُثْمَانَ - رضي الله عنه - دَعَا بِوَضُوءٍ, فَغَسَلَ كَفَّيْهِ ثَلَاثَ مَرَّاتٍ, ثُمَّ مَضْمَضَ, وَاسْتَنْشَقَ, وَاسْتَنْثَرَ, ثُمَّ غَسَلَ وَجْهَهُ ثَلَاثَ مَرَّاتٍ, ثُمَّ غَسَلَ يَدَهُ الْيُمْنَى إِلَى الْمِرْفَقِ ثَلَاثَ مَرَّاتٍ, ثُمَّ الْيُسْرَى مِثْلَ ذَلِكَ, ثُمَّ مَسَحَ بِرَأْسِهِ, ثُمَّ غَسَلَ رِجْلَهُ الْيُمْنَى إِلَى الْكَعْبَيْنِ ثَلَاثَ مَرَّاتٍ, ثُمَّ الْيُسْرَى مِثْلَ ذَلِكَ, ثُمَّ قَالَ: رَأَيْتُ رَسُولَ اللَّهِ صَلَّى عَلَيْهِ وَسَلَّمَ تَوَضَّأَ نَحْوَ وُضُوئِي هَذَا. مُتَّفَقٌ عَلَيْه.

Ti Humron: Sayaktosna ‘Utsman rodiyallohu ‘anhu nyuhunkeun cai wudlu, mangka anjeuna ngawasuh dua dampal pananganana tilu kali, lajeng kekemes kalih istinsyaq sarta istinsyar, lajeng ngawasuh pameunteuna tilu kali, lajeng ngawasuh panangan tengen dugikeun ka siku tilu kali, lajeng panangan kiwa sapertos kitu, lajeng ngusap mastakana, lajeng ngawasuh sampéan tengenna dugikeun ka dua mumuncanganana tilu kali, lajeng sampéan kiwa sapertos kitu, lajeng ‘Utsman sasauran: “Sim kuring ninggal Rosululloh shollallohu ‘alaihi wa sallam wudlu sapertos wudlu ieu”. ﴾HR.Muttafaq ‘alaih﴿

        A.1. Wudlu tiasa sakali-sakali, dua kali-dua kali, atanapi tilu kali-tilu kali

عَنِ ابْنِ عَبَّاسٍ قَالَ تَوَضَّأَ النَّبِيُّ صلى الله عليه وسلم مَرَّةً مَرَّةً.

Ti Ibnu ‘Abbas rodiyallohu ‘anhuma, anjeuna sasanggem: Nabi shollallohu ‘alaihi wa sallam wudlu sakali-sakali. ﴾Hr. Al-Bukhoriy dina Shohih Al-Bukhoriy, Juz 1, Kaca 51, hadits no.157﴿

عَنْ عَبْدِ اللهِ بْنِ زَيْدٍ أَنَّ النَّبِيَّ صلى الله عليه وسلم تَوَضَّأَ مَرَّتَيْنِ مَرَّتَيْنِ.

Ti ‘Abdulloh bin Zaid rodiyallohu ‘anhu, satemena Nabi shollallohu ‘alaihi wa sallam wudlu dua kali-dua kali. ﴾Hr. Al-Bukhoriy dina Shohih Al-Bukhoriy, Juz 1, Kaca 51, hadits no.158﴿

قال البخاري: بَابٌ الْوُضُوءِ ثَلاَثًا ثَلاَثًا

Imam Al-Bukhoriy ngadamel bab: Bab wudlu [tiasa] tilu kali-tilu kali. ﴾Shohih Al-Bukhoriy, Juz 1, Kaca 51, hadits no.159﴿

          A.2. Ngusap mastaka mah tetep sakali

عَنْ عَلِيٍّ رضي الله عنه: فِي صِفَةِ وُضُوءِ النَّبِيِّ صَلَّى اللَّهُ عَلَيْهِ وَسَلَّمَ قَالَ: وَمَسَحَ بِرَأْسِهِ وَاحِدَةً. أَخْرَجَهُ أَبُو دَاوُد، وَأَخْرَجَهُ النَّسَائِيُّ وَالتِّرْمِذِيُّ بِإِسْنَادٍ صَحِيْحٍ، بَلْ قَالَ التِّرْمِذِيُّ: إِنَّهُ أَصَحُّ شَيْءٍ فِي البَابِ.

Ti ‘Aliy bin Abi Tholib rodiyallohu: Perkawis sifat wudlu Nabi shollallohu ‘alaihi wa sallam, ‘Aliy sasanggem: “Sarta Nabi ngusap mastakana sakali.” Hr. Abu Dawud, An-Nasai, kalih At-Tirmidziy kalayan sanad anu shohih. Malihan At-Tirmidziy sasauran: “Satemena ieu hadits pangshohihna dina bab ieu”. ﴾Kitab Bulughul Marom, hadits no.38﴿

        A.3. Rintih dina ngusap mastaka kalebet dua cepil

عَنْ عَبْدِ اللَّهِ بْنِ يَزِيدَ بْنِ عَاصِمٍ رضي الله عنه فِي صِفَةِ الْوُضُوءِ قَالَ: وَمَسَحَ صلى الله عليه وسلم بِرَأْسِهِ, فَأَقْبَلَ بِيَدَيْهِ وَأَدْبَرَ. مُتَّفَقٌ عَلَيْه. وَفِي لَفْظٍ: بَدَأَ بِمُقَدَّمِ رَأْسِهِ حَتَّى ذَهَبَ بِهِمَا إِلَى قَفَاهُ ثُمَّ رَدَّهُمَا إِلَى الْمَكَانِ الَّذِي بَدَأَ مِنْهُ.

Ti ‘Abdulloh bin Yazid bin ‘Âshim rodiyallohu ‘anhu, perkawis sifat wudlu [Nabi], ‘Abdulloh sasanggem: “Sarta Rosululloh shollallohu ‘alaihi wa sallam ngusap mastakana, mangka anjeuna ku dua pananganana ngamimitian ti mastaka palih payun ka palih pengker.” Hr. Muttafaq ‘alaihi. Sarta dina hiji lafadz hadits lian: “Nabi ngamimitian ti mastaka palih payun [diusapkeun] dua dampal pananganana dugikeun ka pundukna, lajeng ngauihkeun deui dua dampal pananganana kana tempat anu anjeuna ngawitan ngusap mastaka.” ﴾Kitab Bulughul Marom, hadits no.39 kalih 40﴿

عَنْ عَبْدِ اللَّهِ بْنِ عَمْرٍو رَضِيَ اللَّهُ عَنْهُمَا فِي صِفَةِ الْوُضُوءِ قَالَ: ثُمَّ مَسَحَ صلى الله عليه وسلم بِرَأْسِهِ وَأَدْخَلَ إِصْبِعَيْهِ السَّبَّاحَتَيْنِ فِي أُذُنَيْهِ وَمَسَحَ بِإِبْهَامَيْهِ ظَاهِرَ أُذُنَيْهِ. أَخْرَجَهُ أَبُو دَاوُدَ وَالنَّسَائِيُّ وَصَحَّحَهُ ابْنُ خُزَيْمَة.

Ti ‘Abdulloh bin ‘Amr rodiyallohu ‘anhuma perkawis sifat wudlu Nabi, ‘Abdulloh sasanggem: “Lajeng Rosululloh shollallohu ‘alaihi wa sallam ngusap mastakana lajeng ngalebetkeun dua curukna kana dua cepilna sarta ngusap ku dua jempolna kana dua cepil bagéan luarna.” Hr. Abu Dawud, An-Nasai, sarta dishohihkeun ku Ibnu Khuzaimah. ﴾Kitab Bulughul Marom, hadits no.39 kalih 40﴿

        A.4. Masing apik nalika wudlu, kalebet sampurnakeun Istinsyaq

عَنْ لَقِيطِ بْنُ صَبْرَةَ رضي الله عنه قَالَ: قَالَ رَسُولُ اللَّهِ صلى الله عليه وسلم: «أَسْبِغِ الْوُضُوءَ وَخَلِّلْ بَيْنَ الْأَصَابِعِ وَبَالِغْ فِي الِاسْتِنْشَا

قِ إِلَّا أَنْ تَكُونَ صَائِمًا». أَخْرَجَهُ الْأَرْبَعَةُ وَصَحَّحَهُ ابْنُ خُزَيْمَة وَلِأَبِي دَاوُدَ فِي رِوَايَةٍ: «إِذَا تَوَضَّأْتَ فَمَضْمِضْ».

Ti Laqith bin Shobiroh rodiyallohu ‘anhu anjeuna sasanggem: Rosululloh shollallohu ‘alaihi wa sallam ngandika: “Sampurnakeun wudlu, prak wasuh bagéan tengah réma-réma, sarta sampurnakeun dina

istinsyaq kajabi nalika anjeun nuju shaum.” Hr. Imam nu opat sarta dishohihkeun ku Ibnu Khuzaimah, kalih

hr. Abu Dawud dina hiji riwayat: “Nalika anjeun wudlu, prak anjeun kekemes.” ﴾Bulughul Marom﴿

وَعَنْ عُثْمَانَ رضي الله عنه: أَنَّ النَّبِيَّ صلى الله عليه وسلم كَانَ يُخَلِّلُ لِحْيَتَهُ فِي الْوُضُوءِ. أَخْرَجَهُ التِّرْمِذِيُّ, وَصَحَّحَهُ ابْنُ خُزَيْمَة.

Ti ‘Utsman bin ‘Affan rodiyallohu ‘anhu, satemena kabuktosan Nabi shollallohu ‘alaihi wa sallam nyela-nyela jangotna dina wudlu. Hr. At-Tirmidziy sarta Ibnu Khuzaimah ngashohikeunana.

عَنْ أَبِى هُرَيْرَةَ أَنَّ رَسُولَ اللَّهِ صلى الله عليه وسلم قَالَ «أَلاَ أَدُلُّكُمْ عَلَى مَا يَمْحُو اللَّهُ بِهِ الْخَطَايَا وَيَرْفَعُ بِهِ الدَّرَجَاتِ». قَالُوا بَلَى يَا رَسُولَ اللَّهِ. قَالَ «إِسْبَاغُ الْوُضُوءِ عَلَى الْمَكَارِهِ وَكَثْرَةُ الْخُطَا إِلَى الْمَسَاجِدِ وَانْتِظَارُ الصَّلاَةِ بَعْدَ الصَّلاَةِ فَذَلِكُمُ الرِّبَاطُ».

Ti Abu Huroiroh rodiyallohu ‘anhu, satemena Rosululloh shollallohu ‘alaihi wa sallam ngandika: “Naha hoyong aranjeun ku kaula dituduhkeun kana amalan anu Alloh baris mupus kalepatan kalih ngangkat darajat?”. Shohabat-shohabat ngawaler: “Kantenan, wahéy Rosululloh.” Nabi ngandika: “^[1]Nyampurnakeun wudlu nalika nalangsa [sesah cai, teu damang, tiris, kana bagéan-bagéan wudlu anu sesah diwudluan, jsb], ^[2]nyeueurkeun léngkah ka masjid, sarta ^[3]ngantosan sholat saatos sholat [ati-ati kana waktos sholat], mangka éta ar-Ribaath [kawaspadaan] aranjeun.” ﴾Shohih Muslim kitab ath-thoharoh bab fadli isbaghil-wudlu ‘alal-makarih no. 610﴿

        A.5. Pahala pikeun anu nyampurnakeun wudlu

عَنْ أَبِي هُرَيْرَةَ رضي الله عنه قَالَ: سَمِعْتُ رَسُولَ اللَّهِ صلى الله عليه وسلم يَقُولُ: «إِنَّ أُمَّتِي يَأْتُونَ يَوْمَ الْقِيَامَةِ غُرًّا مُحَجَّلِينَ, مِنْ أَثَرِ الْوُضُوءِ, فَمَنِ اسْتَطَاعَ مِنْكُمْ أَنْ يُطِيلَ غُرَّتَهُ فَلْيَفْعَلْ». مُتَّفَقٌ عَلَيْهِ, وَاللَّفْظُ لِمُسْلِمٍ.

Ti Abu Huroiroh rodiyallohu ‘anhu anjeuna sasanggem: Sim kuring nguping Rosululloh shollallohu ‘alaihi wa sallam ngandika, “Satemena umat kaula sumping dina dintenan qiyamat pameunteu kalih pananganna hérang ngagenclang tina tapak wudlu, mangka saha baé diantawis aranjeun anu tiasa manjangkeun hérang ngagenclangna, mangka prak pidamel.” Hr. Muttafaq ‘Alaihi, sarta lafadz kagungan riwayat Imam Muslim.

عَنْ أَبِي هُرَيْرَةَ ، رَضِيَ اللَّهُ عَنْهُ ، أَنَّ النَّبِيَّ صلى الله عليه وسلم قَالَ : لِبِلاَلٍ عِنْدَ صَلاَةِ الْفَجْرِ يَا بِلاَلُ حَدِّثْنِي بِأَرْجَى عَمَلٍ عَمِلْتَهُ فِي الإِسْلاَمِ فَإِنِّي سَمِعْتُ دَفَّ نَعْلَيْكَ بَيْنَ يَدَيَّ فِي الْجَنَّةِ قَالَ مَا عَمِلْتُ عَمَلاً أَرْجَى عِنْدِي أَنِّي لَمْ أَتَطَهَّرْ طُهُورًا فِي سَاعَةِ لَيْلٍ ، أَوْ نَهَارٍ إِلاَّ صَلَّيْتُ بِذَلِكَ الطُّهُورِ مَا كُتِبَ لِي أَنْ أُصَلِّيَ.

Ti Abu Huroiroh rodiyallohu ‘anhu, satemena Nabi shollallohu ‘alaihi wa sallam ngandika ka Bilal nalika [waktos] sholat fajar [shubuh]: “Wahéy Bilal! Uningakeun ka kaula amalan anu pangdipiharepna anu ku anjeun diamalkeun dina Islam, alatan satemena kaula nguping payuneun kaula léngkah dua sandal anjeun di syurga.” Bilal ngawaler: “Sim kuring henteu ngamalkeun amalan anu pangdipiharepna satemena sim kuring henteu susuci di waktos wengi atanapi siang anging sim kuring sholat alatan susuci éta salian ti [sholat] anu diwajibkeun ka sim kuring”. ﴾Shohih Al-Bukhoriy, juz 2, kaca 67, hadits no. 1149﴿

        A.6. Disunnahkeun mayunkeun palih tengen

عَنْ عَائِشَةَ رَضِيَ اللَّهُ عَنْهَا قَالَتْ: كَانَ النَّبِيُّ صلى الله عليه وسلم يُعْجِبُهُ التَّيَمُّنُ فِي تَنَعُّلِهِ وَتَرَجُّلِهِ وَطُهُورِهُ وَفِي شَأْنِهِ كُلِّهِ. مُتَّفَقٌ عَلَيْهِ.

Ti ‘Aisyah rodiyallohu ‘anha anjeuna sasanggem: Kabuktosan Nabi shollallohu ‘alaihi wa sallam mikaresep mayunkeun palih tengen dina nganggo sendalna, nyisiran rambutna, susucina, kalih dina sagala rupina. Hr. Muttafaq ‘alaihi.

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صلى الله عليه وسلم: «إِذَا تَوَضَّأْتُمْ فَابْدَءُوا بِمَيَامِنِكُمْ». أَخْرَجَهُ الْأَرْبَعَةُ وَصَحَّحَهُ ابْنُ خُزَيْمَةَ.

Ti Abi Huroiroh rodiyallohu ‘anhu anjeuna sasanggem: Rosululloh shollallohu ‘alaihi wa sallam ngandika, “Nalika aranjeun wudlu mangka mimitian ti palih tengen [salira] aranjeun.” Hr. Imam anu opat kalih dishohihkeun ku Ibnu Khuzaimah.

        A.7. Syare’at ngusap sorban mastaka kalih sapatu bagean luhurna nalika safar

عَنِ الْمُغِيرَةِ بْنِ شُعْبَةَ قَالَ تَخَلَّفَ رَسُولُ اللَّهِ -صلى الله عليه وسلم- وَتَخَلَّفْتُ مَعَهُ فَلَمَّا قَضَى حَاجَتَهُ قَالَ « أَمَعَكَ مَاءٌ ». فَأَتَيْتُهُ بِمَطْهَرَةٍ فَغَسَلَ كَفَّيْهِ وَوَجْهَهُ ثُمَّ ذَهَبَ يَحْسِرُ عَنْ ذِرَاعَيْهِ فَضَاقَ كُمُّ الْجُبَّةِ فَأَخْرَجَ يَدَهُ مِنْ تَحْتِ الْجُبَّةِ وَأَلْقَى الْجُبَّةَ عَلَى مَنْكِبَيْهِ وَغَسَلَ ذِرَاعَيْهِ وَمَسَحَ بِنَاصِيَتِهِ وَعَلَى الْعِمَامَةِ وَعَلَى خُفَّيْهِ.

Ti Al-Mughiroh bin Syu’bah rodiyallohu ‘anhu anjeuna sasanggem: Rosululloh shollallohu ‘alaihi wa sallam kalih sim kuring kantos kakantun [rombongan]. Mangka nalika Nabi rengse tina miceun [B.A.B] anjeuna tumaros, “Naha anjeun kagungan cai?”. Mangka sim kuring nyumpingkeun wadah cai susuci, lajeng anjeuna ngawasuh dua dampal pananganna kalih pameunteuna, lajeng nyingkabkeun leungeun baju tina dua pananganna. Namung alit teuing, mangka anjeuna ngaluarkeun pananganna ti handap mantelna sarta nyimpen mantelna dina dua tarajuna. Sarta Nabi ngawasuh dua pananganna, sarta ngusap bagean payun mastakana jeung sorbanna oge dua sapatuna. ﴾Shohih Muslim, juz 1, kaca 158, hadits no.656﴿

        A.8. Susuci wajib tartib urutanana

عَنْ جَابِرٍ بْنِ عَبْدِ اللَّهِ رَضِيَ اللَّهُ عَنْهُمَا فِي صِفَةِ حَجِّ النَّبِيِّ صَلَّى اللَّهُ عَلَيْهِ وَسَلَّمَ قَالَ صلى الله عليه وسلم: «ابْدَؤُوا بِمَا بَدَأَ اللَّهُ بِهِ».

أَخْرَجَهُ النَّسَائِيُّ، هَكَذَا بِلَفْظِ الْأَمْرِ وَهُوَ عِنْدَ مُسْلِمٍ بِلَفْظِ الْخَبَرِ.

Ti Jabir bin ‘Abdillah rodiyallohu ‘anhuma ngeunaan sifat Hajji Nabi shollallohu ‘alaihi wa sallam anjeuna ngandika, “Kawitan ku aranjeun tina anu Alloh ngawitanna.” Hr. An-Nasai, ngariwayatkeunna sapertos kieu ku lafadz parentah, sarta dina riwayat Muslim ku lafadz khobar.

          A.9. Sunnah ngedalkeun Basmalah sateuacan wudlu

عَنْ أَبِي هُرَيْرَةَ - رضي الله عنه - قَالَ: قَالَ رَسُولُ اللَّهِ - صلى الله عليه وسلم: «لَا وُضُوءَ لِمَنْ لَمْ يَذْكُرِ اسْمَ اللَّهِ عَلَيْهِ». أَخْرَجَهُ أَحْمَدُ, وَأَبُو دَاوُدَ, وَابْنُ مَاجَهْ, بِإِسْنَادٍ ضَعِيفٍ.

Ti Abi Huroiroh rodiyallohu ‘anhu anjeuna sasanggem: Rosululloh shollallohu ‘alaihi wa sallam ngandika, “Teu aya wudlu pikeun saha bae anu henteu nyebat Asma Alloh [Basmalah] dina wudluna.” Hr. ahmad, Abu Dawud, Ibnu Majah, kalayanan SANAD-na DLO’IF.

Katerangan al-Hadits:

وَالظَّاهِرُ أَنَّ مَجْمُوْعَ الأَحَادِيْثِ يَحْدُثُ مِنْهَا قُوَّةٌ تَدُلُّ عَلَى أَنَّ لَهُ أَصْلًا. وَقَالَ أَبُوْ بَكْرِ بْنِ أَبِيْ شَيْبَةَ ثَبَتَ لَنَا أَنَّ النَّبِيَّ صَلَّى اللهُ عَلَيْهِ وَسَلَّمَ قَالَهُ.

Jentre-na, saenyana kempelan hadits-hadits eta nguningakeun kakuatan anu nuduhkeun ayana ashlun [asal-muasal ti Nabi]. Abu Bakar ibn Abi Syaibah sasanggem: “Pikeun abdi sadaya cekap jentre yen Nabi shollallohu ‘alaihi wa sallam kantos ngandikakeunna.” Talkhisul Habir, juz 1, kaca 257.

Syarah al-Hadits:

مَا يُئْخَذُ مِنَ الحَدِيْثِ: وُجُوْبُ قَوْلُهٌ "بِسْمِ اللهِ" عِنْدَ البِدَاءَةُ فِيْ الوُضُوْءِ.

Anu tiasa dicandak tina ieu hadits: 1- Kawajiban ngedalkeun “Bismillah” nalika munggaran dina wudlu.

قَالَ النَّوَوِيُّ: اَلتَّسْمِيَّةُ أَنْ يَقُوْلَ: "بِسْمِ اللهِ" فَتَحْصِلُ السُّنَّةِ. وَ إِنْ قَالَ: بِسْمِ اللهِ الرَّحْمَنِ الرَّحِيْمِ، فَهُوَ أَكْمَلُ.

Imam An-Nawawiy nguningakeun: At-Tasmiyyah nyaeta ngedalkeun: “Bismillah”, mangka sunnah Nabi katerapkeun. Sarta upami ngedalkeunna: “Bismillaahirrahmaanirrahiim”, maka eta anu pangsampurnana. Taudhihul Ahkam, juz 1, kaca 241.

Ikhtilaf ‘Ulama:

Para ulama benten pamadegan ngeunaan kawajiban At-Tasmiyyah nalika wudlu:

1.   Imam Ahmad kalih anu nuturkeunana gaduh pamadegan: Satemena At-Tasmiyyah wajib dina susuci sagala rupi hadats sadayana. Dalil aranjeuna nyaeta hadits bab ieu kalih anu lianna. Imam Al-Bukhoriy sasauran: “Satemena ieu hadits anu pangsaena dina pedaran ieu”. Imam Al-Mundziriy sasanggem: “Teu aya karaguan, satemena hadits-hadits At-Tasmiyyah janten elmu anu kuat, silih kuatan ku seueurna hadits.” Sarta Imam Ibnu Katsir nguningakeun: “Sapalihna ngiatan kana sapalihna deui, mangka eta hadits hasan atanapi shohih.”

Ieu pamadegan tina Mufrodat al-Madzhab.

Diuningakeun dina Syarah Al-Mufrodat: Shohih ti Al-Madzhab: Satemena At-Tasmiyyah wajib dina wudlu, sareng dina anu sapertos wudlu nyaeta adus [mandi] jeung tayammum, ieu the pamadegan Al-Hasan sareng Ishaq.

2.   Pamadegan Imam anu Tilu [Abu Dawud, At-Tirmidziy, An-Nasai]: Yen At-Tasmiyyah sunat, sanes wajib, teu [aya kategesan] kawajibanana [ku] riwayat ti Ahmad. Al-Khoroqiy, Al-Muwaffiq, Asy-Syariq, kalih anu liana milih pamadegan ieu.

Al-Khollal sasauran: “Satemena pamadegan ieu anu tetep dumasar riwayat.”

Asy-Syaikh Taqiyuddin nguningakeun: “Dina anu pangshohihna henteu disyaratkeun at-Tasmiyyah”.

Imam Ahmad sasanggem: “Sim kuring teu uninga aya hiji hadits anu shohih ngeunaan At-Tasmiyyah.”

Imam As-Sakhowiy cumarios: “Sim kuring teu uninga anu kagungan pamadegan wajibna At-Tasmiyyah kajaba hadits anus umping dina hiji tina dua riwayat ti Ahmad.” Taudhihul Ahkam, juz 1, kaca 241.

        A.10. Tamadmad sareng Istinsyaq ku sakali nyandak cai

عَنْ عَلِيٍّ - رضي الله عنه - فِي صِفَةِ الْوُضُوءِ: ثُمَّ تَمَضْمَضَ - صلى الله عليه وسلم - وَاسْتَنْثَرَ ثَلَاثًا, يُمَضْمِضُ وَيَنْثِرُ مِنَ الْكَفِّ الَّذِي يَأْخُذُ مِنْهُ الْمَاءَ. أَخْرَجَهُ أَبُو دَاوُدَ وَالنَّسَائِيُّ.

Ti ‘Aliy [bin Abi Tholib] rodiyallohu ‘anhu ngeunaan sifat wudlu: “Lajeng Nabi shollallohu ‘alaihi wa sallam tamadmad [kekemes] jeung istinsyar [ngaluarkeun cai tina pangambung] tilu kali, anjeuna tamadmad jeung

istinsyar tina dampal panangan anu dianggo nyandak cai.” Hr.Abu Dawud & An-Nasai.

عَنْ عَبْدِ اللَّهِ بْنِ زَيْدٍ - رضي الله عنه - فِي صِفَةِ الْوُضُوءِ: ثُمَّ أَدْخَلَ - صلى الله عليه وسلم - يَدَهُ, فَمَضْمَضَ وَاسْتَنْشَقَ مِنْ كَفٍّ وَاحِدَةٍ,

يَفْعَلُ ذَلِكَ ثَلَاثًا. مُتَّفَقٌ عَلَيْهِ.

Ti ‘Abdulloh bin Zaid rodiyallohu ‘anhu ngeunaan sifat wudlu: “Lajeng Nabi shollallohu ‘alaihi wa sallam ngalebetkeun pananganna [kana cai], mangka anjeuna madlmadlo jeung istinsyaq tina dampal panangan

anu sami, midamel kitu tilu kali.” Hr. Muttafaq ‘Alaihi.

        A.11. Upanten wudlu henteu sampurna, mangka wajib dijantenan deui

عَنْ أَنَسٍ - رضي الله عنه - قَالَ: رَأَى النَّبِيُّ - صلى الله عليه وسلم - رَجُلًا, وَفِي قَدَمِهِ مِثْلُ الظُّفْرِ لَمْ يُصِبْهُ الْمَاءُ. فَقَالَ: «ارْجِعْ فَأَحْسِنْ وُضُوءَكَ». أَخْرَجَهُ أَبُو دَاوُدَ, وَالنَّسَائِيُّ.

Ti Anas [bin Malik] rodiyallohu ‘anhu anjeuna sasanggem: Nabi shollallohu ‘alaihi wa sallam ninggali saurang jalma anu dina keuneungna aya saukuran kuku henteu kabasuh ku cai. Mangka Nabi ngandika, “Uih deui! Lereskeun wudlu anjeun!.” Hr. Abu Dawud kalih An-Nasai.

        A.12. ‘Hemat Air’

عَنْ أَنَسٍ - رضي الله عنه - قَالَ: كَانَ رَسُولُ اللَّهِ - صلى الله عليه وسلم - يَتَوَضَّأُ بِالْمُدِّ, وَيَغْتَسِلُ بِالصَّاعِ إِلَى خَمْسَةِ أَمْدَادٍ. مُتَّفَقٌ عَلَيْهِ.

Ti Anas [bin Malik] rodiyallohu ‘anhu anjeuna sasanggem: Kabuktosan Rosululloh shollallohu ‘alaihi wa sallam wudlu ku 1 mudd, sarta ibak ku 1 sho dugi ka 5 mudd. Hr. Muttafaq ‘alaihi.

Syarah al-Hadits:

“Ibnu Manzhur menjelaskan bahwa 1 mudd itu adalah ¼ sha’ [Lisanul-‘Arab]. Jika 1 sha’ = 3 – 3,25 liter, berarti 1 mudd = 750-800 ml dan 5 mudd = 3,75 – 4 liter. Itu berarti Nabi saw berwudlu dengan air sebanyak 750 – 800 ml dan mandi menggunaan air sebanyak 3,75 – 4 liter. Maksudnya Nabi saw secukupnya dalam menggunakan air dan tidak israf [melebihi dari keperluan].” Nashruddin Syarief.

          A.13. Du’a saba’da wudlu

عَنْ عُمَرَ - رضي الله عنه - قَالَ: قَالَ رَسُولُ اللَّهِ - صلى الله عليه وسلم: «مَا مِنْكُمْ مِنْ أَحَدٍ يَتَوَضَّأُ, فَيُسْبِغُ الْوُضُوءَ, ثُمَّ يَقُولُ: أَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ, وَأَشْهَدُ أَنَّ مُحَمَّدًا عَبْدُهُ وَرَسُولُهُ, إِلَّا فُتِحَتْ لَهُ أَبْوَابُ الْجَنَّةِ». أَخْرَجَهُ مُسْلِمٌ.

Ti ‘Umar rodiyallohu ‘anhu anjeuna sasanggem: Rosululloh shollallohu ‘alaihi wa sallam ngandika: “Teu aya saurang oge ti antawis aranjeun wudlu mangka anjeuna nyampurnakeun wudlu lajeng ngadu’a: ASYHADU ALLAA ILAAHA ILLALLOOH WAHDAHU LAA SYARIIKA LAHU, WA ASYHADU ANAA MUHAMMADAN ‘ABDUHU WA ROSUULUHU. Kajaba dibukakeun pikeun anjeuna panto-panto syurga.” Hr. Muslim.

        A.14. Syarat tiasa ngusap bagean luhur sapatu nalika wudlu

عَنِ الْمُغِيرَةِ بْنِ شُعْبَةَ - رضي الله عنه - قَالَ: كُنْتُ مَعَ النَّبِيِّ - صلى الله عليه وسلم - فَتَوَضَّأَ, فَأَهْوَيْتُ لِأَنْزِعَ خُفَّيْهِ, فَقَالَ: «دَعْهُمَا, فَإِنِّي أَدْخَلْتُهُمَا طَاهِرَتَيْنِ» فَمَسَحَ عَلَيْهِمَا. مُتَّفَقٌ عَلَيْهِ.

Ti Al Mughiroh bin Syu’bah rodiyallohu ‘anhu anjeuna sasanggem: Sim kuring marengan Nabi shollallohu ‘alaihi wa sallam mangka anjeuna wudlu, lajeng sim kuring ngarungkuduk pikeun manglesotkeun dua khuf­-na. Nabi ngandika, “Keun antep, alatan satemena kaula ngalebetkeunana dina kaayaan suci.” Mangka Nabi ngusap dua luhurna. Hr. Muttafaq ‘Alaih.

وَعَنْ عَلِيٍّ - رضي الله عنه - قَالَ: لَوْ كَانَ الدِّينُ بِالرَّأْيِ لَكَانَ أَسْفَلُ الْخُفِّ أَوْلَى بِالْمَسْحِ مِنْ أَعْلَاهُ, وَقَدْ رَأَيْتُ رَسُولَ اللَّهِ - صلى الله عليه وسلم - يَمْسَحُ عَلَى ظَاهِرِ خُفَّيْهِ. أَخْرَجَهُ أَبُو دَاوُدَ بِإِسْنَادٍ حَسَنٍ.

Ti Ali [bin Abi Tholib] rodiyallohu ‘anhu anjeuna sasanggem: “Lamun agama dumasar akal pikiran pinasti bagean handap khuf langkung pantes diusap tibatan bagean luhurna. Jeung estu sim kuring ninggal Rosululloh shollallohu ‘alaihi wa sallam ngusap bagean luhur dua khuf­-na.” Hr.Abu Dawud, sanadna Hasan.

          A.15. Watesan waktos tiasa ngusap bagean luhur sapatu kalih sorban mastaka

وَعَنْ صَفْوَانَ بْنِ عَسَّالٍ - رضي الله عنه - قَالَ: كَانَ رَسُولُ اللَّهِ - صلى الله عليه وسلم - يَأْمُرُنَا إِذَا كُنَّا سَفْرًا أَنْ لَا نَنْزِعَ خِفَافَنَا ثَلَاثَةَ أَيَّامٍ وَلَيَالِيَهِنَّ, إِلَّا مِنْ جَنَابَةٍ، وَلَكِنْ مِنْ غَائِطٍ, وَبَوْلٍ, وَنَوْمٍ. أَخْرَجَهُ النَّسَائِيُّ, وَالتِّرْمِذِيُّ وَاللَّفْظُ لَهُ, وَابْنُ خُزَيْمَةَ وَصَحَّحَاهُ.

Ti Shofwan bin ‘Assal rodiyallohu ‘anhu anjeuna sasanggem: Kabuktosan Rosululloh shollallohu ‘alaihi wa sallam marentahkeun nalika abdi sadaya safar sangkan teu muka khuf abdi sadaya tilu dinten tilu wengi kajaba nalika junub. Namung alatan kabeuratan, kahampangan jeung kulem [sawios teu dibuka]. Hr. An-Nasai, at-Tirmidzi kalayan lafadz hadits anjeuna. At-Tirmidzi & Ibnu Khuzaimah ngashohihkeunana.

وَعَنْ عَلِيِّ بْنِ أَبِي طَالِبٍ - رضي الله عنه - قَالَ: جَعَلَ النَّبِيُّ - صلى الله عليه وسلم - ثَلَاثَةَ أَيَّامٍ وَلَيَالِيَهُنَّ لِلْمُسَافِرِ, وَيَوْمًا وَلَيْلَةً لِلْمُقِيمِ. يَعْنِي: فِي الْمَسْحِ عَلَى الْخُفَّيْنِ. أَخْرَجَهُ مُسْلِمٌ.

Ti ‘Ali [bin Abi Tholib] rodiyallohu ‘anhu anjeuna sasanggem: Nabi shollallohu ‘alaihi wa sallam ngajantenkeun tilu dinten tilu wengi pikeun musafir, sarta sadinten sawengi pikeun muqim: Dina Ngusap dua khuf. Hr. Muslim.

وَعَنْ ثَوْبَانَ – رضي الله عنه – قَالَ: بَعَثَ رَسُولُ اللَّهِ – صلى الله عليه وسلم – سَرِيَّةً, فَأَمَرَهُمْ أَنْ يَمْسَحُوا عَلَى الْعَصَائِبِ – يَعْنِي: الْعَمَائِمَ – وَالتَّسَاخِينِ- يَعْنِي: الْخِفَافَ. رَوَاهُ أَحْمَدُ, وَأَبُو دَاوُدَ, وَصَحَّحَهُ الْحَاكِمُ.

Ti Tsauban rodiyallohu ‘anhu anjeuna sasanggem: Rosululloh shollallohu ‘alaihi wa sallam ngutus pasukan sariyyah, mangka anjeuna marentahkeun aranjeuna pikeun ngarusap ‘asho-ib nyaeta sorban, jeung tasakhin nyaeta sapatu khuf. Hr. Ahmad, Abu Dawud, jeung dishohihkeun ku Al-Hakim.

        A.16. Khuf tiasa henteu dibuka kajaba nalika junub

وَعَنْ عُمَرَ – مَوْقُوفًا – وَ [عَنْ] أَنَسٍ – مَرْفُوعًا: «إِذَا تَوَضَّأَ أَحَدُكُمْ وَلَبِسَ خُفَّيْهِ فَلْيَمْسَحْ عَلَيْهِمَا, وَلْيُصَلِّ فِيهِمَا, وَلَا يَخْلَعْهُمَا إِنْ شَاءَ إِلَّا مِنْ جَنَابَةٍ». أَخْرَجَهُ الدَّارَقُطْنِيُّ, وَالْحَاكِمُ وَصَحَّحَهُ.

Ti ‘Umar -maquf- kalih ti Anas -marfu’-: “Nalika salahsawios ti aranjeun wudlu bari nganggo dua khuf-na mangka prak usap dua luhur khuf­-na, jeung prak sholat nganggo duanana, sarta upami bade, teu kedah muka duanana, kajaba nalika junub.” Hr. Ad-Daroquthni, kalih Al-Hakim ngashohihkeunana.

وَعَنْ أَبِي بَكْرَةَ - رضي الله عنه - عَنِ النَّبِيِّ - صلى الله عليه وسلم: «أَنَّهُ رَخَّصَ لِلْمُسَافِرِ ثَلَاثَةَ أَيَّامٍ وَلَيَالِيَهُنَّ, وَلِلْمُقِيمِ يَوْمًا وَلَيْلَةً, إِذَا تَطَهَّرَ فَلَبِسَ خُفَّيْهِ: أَنْ يَمْسَحَ عَلَيْهِمَا. أَخْرَجَهُ الدَّارَقُطْنِيُّ, وَصَحَّحَهُ ابْنُ خُزَيْمَةَ.

Ti Abi Bakroh rodiyallohu ‘anhu, ti Nabi shollallohu ‘alaihi wa sallam: “Satemena anjeuna [Nabi] maparin rukhsoh pikeun musafir tilu dinten tilu wengi, jeung pikeun muqim sadinten sawengi. Nalika susuci nganggo dua khuf-na: pikeun ngusap luhureun dua khuf-na.” Hr.Ad-Daroquthni, sarta Ibnu Khuzaimah ngashohihkeunna.

Syarah al-Hadits:

وَالخُفُّ: نَعْلٌ مِنْ أَدَمٍ يُغَطِّيْ الكَعْبَيْنِ. وَالجُرْمُوْقُ: خُفٌّ كَبِيْرٌ يُلْبَسُ فَوْقَ خُفٍّ صَغِيْرٍ. وَالجَوْرَبُ فَوْقَ الجُرْمُوْقِ يُغَطِّيْ الكَعْبَيْنِ بَعْضَ التَّغْطِيَةِ دُوْنَ النَّعْلِ، وَهِيَ تَكُوْنُ دُوْنَ الكِعَابِ.

Khuf nyaeta: ‘Alas kaki’ tina kulit anu nutupan dua mumuncangan. Jurmuq nyaeta Khuf badag anu dianggo leuwih jangkung batan Khuf anu alit. Jeung Jaurob nyaeta leuwih jangkung deui tibatan Jurmuq bari nutupan dua mumuncangan kalayan sampurna, benten sareng Na’l anu dianggo di handapeun dua mumuncangan (kalih teu nutupan kalayan sampurna). ﴾Subulus Salam, Juz 1,﴿

عَنِ الْمُغِيرَةِ بْنِ شُعْبَةَ أَنَّ رَسُولَ اللَّهِ -صلى الله عليه وسلم- تَوَضَّأَ وَمَسَحَ عَلَى الْجَوْرَبَيْنِ وَالنَّعْلَيْنِ

Ti Al Mughiroh bin Syu’bah rodiyallohu ‘anhu, Satemena Rosululloh shollallohu ‘alaihi wa sallam wudlu bari ngusap dua Jaurob (kaos kaki)na kalih dua Na’l (sandal)na. ﴾Hr. At-Tirmidziy, no.99﴿

B.  KAIFIYAT MANDI JUNUB/ JANABAT

عَنْ عَائِشَةَ رَضِيَ اَللَّهُ عَنْهَا قَالَتْ: (كَانَ رَسُولُ اَللَّهِ صلى الله عليه وسلم إِذَا اِغْتَسَلَ مِنْ اَلْجَنَابَةِ يَبْدَأُ فَيَغْسِلُ يَدَيْهِ ثُمَّ يُفْرِغُ بِيَمِينِهِ عَلَى شِمَالِهِ فَيَغْسِلُ فَرْجَهُ ثُمَّ يَتَوَضَّأُ ثُمَّ يَأْخُذُ اَلْمَاءَ فَيُدْخِلُ أَصَابِعَهُ فِي أُصُولِ اَلشَّعْرِ ثُمَّ حَفَنَ عَلَى رَأْسِهِ ثَلَاثَ حَفَنَاتٍ ثُمَّ أَفَاضَ عَلَى سَائِرِ جَسَدِهِ ثُمَّ غَسَلَ رِجْلَيْهِ)  مُتَّفَقٌ عَلَيْهِ وَاللَّفْظُ لِمُسْلِم.

Ti ‘Aisyah rodiyallohu ‘anha anjeuna sasanggem: Kabuktosan Rosululloh shollallohu ‘alaihi wa sallam nalika mandi janabat anjeuna ngawitan ngawasuh dua dampal pananganana lajeng ngucurkeun cai tina panangan tengenna kana panangan kiwana lajeng ngawasuh raranganana, teras anjeuna wudlu lajeng nyandak cai mangka rema-remana dilebetkeun kana puhu-puhu rambutna teras ngucurkeun cai kana mastakana tilu kucuran, lajeng ngaratakeun cai kana sadaya salirana teras ngawasuh dua sampeanana. Hr. Muttafaq ‘Alaihi, kalayan lafadz riwayat Imam Muslim.

وَلَهُمَا فِي حَدِيثِ مَيْمُونَةَ: ثُمَّ أَفْرَغَ عَلَى فَرْجِهِ فَغَسَلَهُ بِشِمَالِهِ ثُمَّ ضَرَبَ بِهَا اَلْأَرْضَ. وَفِي رِوَايَةٍ: فَمَسَحَهَا بِالتُّرَابِ

Sarta dina riwayat Al-Bukhori kalih Muslim dina hadits ti Maimunah: Lajeng Nabi ngucurkeun cai kana raranganana teras ngawasuh ku panangan tengenna lajeng ngagosokkeun pananganana kana taneuh. Dina hiji riwayat: Mangka Nabi ngusap pananganana ku taneuh.

وَفِي آخِرِهِ: ( ثُمَّ أَتَيْتُهُ بِالْمِنْدِيلِ )  فَرَدَّهُ وَفِيهِ: ( وَجَعَلَ يَنْفُضُ الْمَاءَ بِيَدِهِ )

Sarta dina riwayat nu sanes: (Lajeng sim kuring [Maimunah] maparin ‘saputangan’ ka anjeuna namung ku anjeuna ditolak). Sarta dina ieu hadits diuningakeun: (Lajeng Nabi ngagaringkeun cai ku pananganana).

عَنْ أُمِّ سَلَمَةَ رَضِيَ اَللَّهُ عَنْهَا قَالَتْ: ( قُلْتُ: يَا رَسُولَ اَللَّهِ إِنِّي اِمْرَأَةٌ أَشُدُّ شَعْرَ رَأْسِي أَفَأَنْقُضُهُ لِغُسْلِ اَلْجَنَابَةِ؟ وَفِي رِوَايَةٍ: وَالْحَيْضَةِ؟

فَقَالَ: لَا إِنَّمَا يَكْفِيكِ أَنْ تَحْثِي عَلَى رَأْسِكِ ثَلَاثَ حَثَيَاتٍ )  رَوَاهُ مُسْلِم

Ti Ummu Salamah rodiyallohu ‘anha anjeuna sasanggem: Sim kuring tumaros: “Nun Rosululloh! Satemena buuk sim kuring dibeungkeut, naha kedah dibuka nalika mandi janabat?”. Dina riwayat anu sanes: “kalih nalika mandi saatos haidl?” mangka Nabi ngandika, “Henteu kedah, taya lian cekap pikeun anjeuna ngucurkeun cai kana mastaka anjeun tilu kucuran”. Hr.Muslim

C.  KAIFIYAT TAYAMMUM

وَعَنْ عَمَّارِ بْنِ يَاسِرٍ رَضِيَ اللَّهُ عَنْهُمَا قَالَ: بَعَثَنِي النَّبِيُّ - صلى الله عليه وسلم - فِي حَاجَةٍ, فَأَجْنَبْتُ, فَلَمْ أَجِدِ الْمَاءَ, فَتَمَرَّغْتُ فِي الصَّعِيدِ كَمَا تَمَرَّغُ الدَّابَّةُ, ثُمَّ أَتَيْتُ النَّبِيَّ - صلى الله عليه وسلم - فَذَكَرْتُ ذَلِكَ لَهُ, فَقَالَ: «إِنَّمَا كَانَ يَكْفِيكَ أَنْ تَقُولَ بِيَدَيْكَ هَكَذَا»، ثُمَّ ضَرَبَ بِيَدَيْهِ الْأَرْضَ ضَرْبَةً وَاحِدَةً, ثُمَّ مَسَحَ الشِّمَالَ عَلَى الْيَمِينِ, وَظَاهِرَ كَفَّيْهِ وَوَجْهَهُ. مُتَّفَقٌ عَلَيْهِ, وَاللَّفْظُ لِمُسْلِمٍ.

Ti ‘Ammar bin Yasir rodiyallohu ‘anhuma anjeuna sasanggem: Nabi shollallohu ‘alaihi wa sallam ngutus sim kuring dina hiji kaperyogian lajeng sim kuring junub bari henteu mendakan cai mangka sim kuring gulang-guling dina taneuh saperti gulang-gulingna sato, lajeng sim kuring nepangan Nabi shollallohu ‘alaihi wa sallam nguningakeun padamelan eta ka anjeuna, mangka Nabi ngandika, “Taya lian cekap pikeun anjeun ku nepuk dua dampal panangan anjeun kieu!”, lajeng Nabi nepukkeun dua dampal pananganana kana taneuh sakali tepukan teras ngusapkeun panangan kiwa kana panangan tengen, tonggong dua dampal pananganana, sarta kana pameunteuna. Hr. Muttafaq ‘Alaihi, lafadz riwayat Muslim.

وَفِي رِوَايَةٍ لِلْبُخَارِيِّ: وَضَرَبَ بِكَفَّيْهِ الْأَرْضَ, وَنَفَخَ فِيهِمَا, ثُمَّ مَسَحَ بِهِمَا وَجْهَهُ وَكَفَّيْهِ.

Sarta dina riwayat Al-Bukhori: lajeng Nabi nepukkeun dua dampal pananganana kana taneuh teras niupna lajeng ngusap pameunteu kalih dua dampal pananganana.

        C.1. Tayammum tina tilu kaayaan

...وَإِن كُنتُم مَّرْضَى أَوْ عَلَى سَفَرٍ أَوْ جَاء أَحَدٌ مَّنكُم مِّنَ الْغَائِطِ أَوْ لاَمَسْتُمُ النِّسَاء فَلَمْ تَجِدُواْ مَاء فَتَيَمَّمُواْ صَعِيدًا طَيِّبًا فَامْسَحُواْ بِوُجُوهِكُمْ وَأَيْدِيكُم مِّنْهُ...

...jeung upama maraneh keur gering atawa keur indit-inditan, atawa maraneh tas ti pacilingan (kakus), atawa maraneh paantel (saresmi) jeung awewe tapi teu manggih cai, geura tayammum ku taneuh anu beresih, (nyaeta) usap beungeut jeung leungeun maraneh ku taneuh... Qs. Al-Maidah: 6.

        C.2. Henteu kedah wudlu upami parantos tayammum lajeng mendakkan cai

عَنْ أَبِي سَعِيدٍ الْخُدْرِيِّ رضي الله عنه قَالَ خَرَجَ رَجُلَانِ فِي سَفَرٍ, فَحَضَرَتْ الصَّلَاةُ وَلَيْسَ مَعَهُمَا مَاءٌ فَتَيَمَّمَا صَعِيدًا طَيِّبًا, فَصَلَّيَا, ثُمَّ وَجَدَا الْمَاءَ فِي الْوَقْتِ. فَأَعَادَ أَحَدُهُمَا الصَّلَاةَ وَالْوُضُوءَ, وَلَمْ يُعِدِ الْآخَرُ, ثُمَّ أَتَيَا رَسُولَ اللَّهِ صلى الله عليه وسلم فَذَكَرَا ذَلِكَ لَهُ, فَقَالَ لِلَّذِي لَمْ يُعِدْ «أَصَبْتَ السُّنَّةَ وَأَجْزَأَتْكَ صَلَاتُكَ» وَقَالَ لِلْآخَرِ «لَكَ الْأَجْرُ مَرَّتَيْنِ». رَوَاهُ أَبُو دَاوُدَ, و النَّسَائِيُّ

Ti Abi Sa’id al-Khudri rodiyallohu ‘anhu anjeuna sasanggem: Dua pameget safar lajeng sumping waktos sholat bari duanana henteu mendakan cai, mangka aranjeuna tayammum ku taneuh anu suci lajeng aranjeuna sholat. Dina waktos nu sanes, aranjeuna teras mendakkan cai, mangka salahsaurangna ngajantenan deui wudlu kalih sholatna, anu saurang deui henteu ngajantenan deui. Aranjeuna lajeng nepangan Rosululloh shollallohu ‘alaihi wa sallam nguningakeun amalan eta, Nabi ngandika ka anu henteu ngajantenan deui: “Anjeun parantos luyu jeung sunnah sarta sholat anjeun sah!”. Sarta Nabi ngandika ka anu ngajantenan deui: “Pikeun anjeun dua ganjaran!”. Hr. Abu Daud kalih An-Nasai.

Walhamdulillah, Wastaghfirulloh, Wallohu A’lam.