WAKTU SHALAT WAJIB (Bagian Pertama)

كِتَابُ الصَّلَاةِ

Kitab ash-Sholat

بَابُ الْمَوَاقِيتِ

Bab Waktu-waktu Sholat

163 - عَنْ عَبْدِ اللَّهِ بْنِ عَمْرِوٍ رَضِيَ اللَّهُ عَنْهُمَا; أَنَّ نَبِيَّ اللَّهِ - صلى الله عليه وسلم - قَالَ: «وَقْتُ الظُّهْرِ إِذَا زَالَتْ الشَّمْسُ, وَكَانَ ظِلُّ الرَّجُلِ كَطُولِهِ مَا لَمْ يَحْضُرِ الْعَصْرُ, وَوَقْتُ الْعَصْرِ مَا لَمْ تَصْفَرَّ الشَّمْسُ, وَوَقْتُ صَلَاةِ الْمَغْرِبِ مَا لَمْ يَغِبْ الشَّفَقُ, وَوَقْتُ صَلَاةِ الْعِشَاءِ إِلَى نِصْفِ اللَّيْلِ الْأَوْسَطِ, وَوَقْتُ صَلَاةِ الصُّبْحِ مِنْ طُلُوعِ الْفَجْرِ مَا لَمْ تَطْلُعْ الشَّمْسُ». رَوَاهُ مُسْلِمٌ.

163 – Ti ‘Abdulloh bin ‘Amr rodiyallohu ‘anhuma, satemena Nabi shollallohu ‘alaihi wa sallam ngandika, “Waktu dzuhur nalika panon poe meh ngulon sarta kalangkang saurang jalma sami panjangna jeung anjeuna sateuacan sumping waktos ‘Ashar. Waktu ‘Ashar salami panon poe teu acan ngonengan. Waktu sholat Maghrib salami layung beureum teu acan ical. Waktos sholat ‘Isya dugikeun ka tengah peuting anu pertengahan. Jeung waktu sholat shubuh nalika sumping fajar sateuacan meletekna panon poe”. Hr. Muslim.

Syarah al-Hadits

"... مَا بَيْنَ هَذَيْنِ الْوَقْتَيْنِ وَقْتٌ."

“... di antawis dua waktu teh waktu sholat”. Hr. Al-Baihaqi, Sunan al-Kubro li Al-Baihaqi: I: 366, no. 1786; Al-Hakim, Abu Dawud, jrrd.

164 - وَلَهُ مِنْ حَدِيثِ بُرَيْدَةَ فِي اَلْعَصْرِ: ( وَالشَّمْسُ بَيْضَاءُ نَقِيَّةٌ ).

164 – Dumasar riwayat anjeuna (Muslim) hadits ti Buroidah ngeunaan sholat ‘Ashar: (...Jeung panon poe nalika masih keneh bodas).

165 - وَمِنْ حَدِيثِ أَبِي مُوسَى: ( وَالشَّمْسُ مُرْتَفِعَةٌ ).

165 – Sarta dina hadits Abi Musa: (...Sarta panon poe (masih) di luhur).

166 - وَعَنْ أَبِي بَرْزَةَ الْأَسْلَمِيِّ قَالَ: ( كَانَ رَسُولُ اَللَّهِ صلى الله عليه وسلم يُصَلِّيَ اَلْعَصْرَ ثُمَّ يَرْجِعُ أَحَدُنَا إِلَى رَحْلِهِ  فِي أَقْصَى اَلْمَدِينَةِ  وَالشَّمْسُ حَيَّةٌ  وَكَانَ يَسْتَحِبُّ أَنْ يُؤَخِّرَ مِنْ اَلْعِشَاءِ  وَكَانَ يَكْرَهُ اَلنَّوْمَ قَبْلَهَا  وَالْحَدِيثَ بَعْدَهَا  وَكَانَ يَنْفَتِلُ مِنْ صَلَاةِ اَلْغَدَاةِ حِينَ يَعْرِفُ اَلرَّجُلُ جَلِيسَهُ  وَيَقْرَأُ بِالسِّتِّينَ إِلَى اَلْمِائَةِ )  مُتَّفَقٌ عَلَيْهِ.

166 – Ti Abu Barzah al-Aslamiy rodiyallohu ‘anhu anjeuna nguningakeun: Kabuktosan Rosululloh shollallohu ‘alaihi wa sallam sholat ‘Ashar lajeng mulih saurang diantawis abdi sadaya ka padumukanana di tungtung Madinah bari panon poe masih panas. Nabi sok ngaakhirkeun ‘Isya, anjeuna tara kulem sateuacana sarta (tara) ngobrol saatosna. Oge Nabi ngalaksanakeun sholat shubuh nalika saurang jalma uninga jalma gedengeunana, anapon anu diaos 60 dugikeun ka 100 ayat. Hr. Muttafaq ‘Alaihi.

167 - وَعِنْدَهُمَا مِنْ حَدِيثِ جَابِرٍ: (وَالْعِشَاءَ أَحْيَانًا وَأَحْيَانًا: إِذَا رَآهُمْ اِجْتَمَعُوا عَجَّلَ وَإِذَا رَآهُمْ أَبْطَئُوا أَخَّرَ  وَالصُّبْحَ: كَانَ اَلنَّبِيَّ صلى الله عليه وسلم يُصَلِّيهَا بِغَلَسٍ).

167 – Dina riwayat duanana (Al-Bukhori kalih Muslim) hadits ti Jabir rodiyallohu ‘anhu, “Sakapeung anjeuna ngalaksanakeun ‘Isya di awal waktu oge sakapeung di akhir waktu. Nalika ninggali para shohabat parantos ngempel, Nabi enggal ngalaksanakeun. Sarta nalika para shohabat katinggali telat, anjeuna ngaakhirkeunna. Anapon Shubuh Nabi shollallohu ‘alaihi wa sallam ngalaksanakeunna nalika masih poek”

168 - وَلِمُسْلِمٍ مِنْ حَدِيثِ أَبِي مُوسَى: ( فَأَقَامَ اَلْفَجْرَ حِينَ اِنْشَقَّ اَلْفَجْرُ وَالنَّاسُ لَا يَكَادُ يَعْرِفُ بَعْضُهُمْ بَعْضًا ).

168 – Sarta dina riwayat Muslim hadits ti Abu Musa: “Mangka Shubuh dilaksanakeun nalika terbit fajar bari jalma-jalma henteu uninga sapalih ka nu sapalihna deui.”                 Wastaghfirulloh, Walhamdulillah, Wallohu A’lam.