Pendusta Agama

Ngabohongkeun kana agama
Hanafi Anshory

أَرَأَيْتَ الَّذِي يُكَذِّبُ بِالدِّينِ (1) فَذَلِكَ الَّذِي يَدُعُّ الْيَتِيمَ (2) وَلَا يَحُضُّ عَلَى طَعَامِ الْمِسْكِينِ (3)
[1] Naha anjeun nitenan hakekat jalma anu ngabohongkeun kana agama. [2] Nyaeta jalma anu sok nyentak budak yatim. [3] jeung teu malire kahirupan jalma miskin. ﴾Qs. al Ma’un [107]: 1-3﴿

عَنْ سَهْلٍ قَالَ رَسُولُ اللهِ صلى الله عليه وسلم : أَنَا وَكَافِلُ الْيَتِيمِ فِي الْجَنَّةِ هَكَذَا وَأَشَارَ بِالسَّبَّابَةِ وَالْوُسْطَى وَفَرَّجَ بَيْنَهُمَا شَيْئًا. ﴿صحيح البخاري﴾
Ti Sahl rodiyallohu ‘anhu, Rosululloh shollallohu ‘alaihi wa sallam ngandika, “Kaula jeung nu ngurus budak yatim di syurga bakal ngarendeng saperti kieu.” Jeung Rosululloh maparin isyarat ku curuk jeung jajangkung bari sakedik ngajegangkeun dua remana eta. ﴾Kitab Shohih Al-Bukhori/ al Maktabah al Syamilah﴿

عَنْ أَبِي ذَرٍّ ، قَالَ : أَوْصَانِي خَلِيلِي صَلَّى اللَّهُ عَلَيْهِ وَسَلَّمَ ، بِخِصَالٍ مِنَ الْخَيْرِ : أَوْصَانِي : بِأَنْ لاَ أَنْظُرَ إِلَى مَنْ هُوَ فَوْقِي ، وَأَنْ أَنْظُرَ إِلَى مَنْ هُوَ دُونِي ، وَأَوْصَانِي بِحُبِّ الْمَسَاكِينِ وَالدُّنُوِّ مِنْهُمْ ، وَأَوْصَانِي أَنْ أَصِلَ رَحِمِي وَإِنْ أَدْبَرَتْ ، وَأَوْصَانِي أَنْ لاَ أَخَافَ فِي اللَّهِ لَوْمَةَ لاَئِمٍ ، وَأَوْصَانِي أَنْ أَقُولَ الْحَقَّ وَإِنْ كَانَ مُرًّا ، وَأَوْصَانِي أَنْ أُكْثِرَ مِنْ قَوْلِ لاَ حَوْلَ وَلاَ قُوَّةَ إِلاَّ بِاللَّهِ ، فَإِنَّهَا كَنْزٌ مِنْ كُنُوزِ الْجَنَّةِ. ﴿صحيح ابن حبان﴾
Ti Abu Dzar  rodiyallohu ‘anhu, anjeunna sasanggem: “Kakasih kuring kanjeng Nabi Muhammad maparin sababaraha wasiat pikeun ngahontal kasuksesan hirup: [1] kanjeng Nabi ngawasiatan ka simkuring sangkan ulah tatanggahan dina kahirupan ka jalma anu rezekina saluhureun kuring sarta mantena marentahkeun sangkan tungkul ka jalma anu sahandapeun kuring. [2] kanjeng Nabi ngawasiatan sangkan mikacinta ka jalma miskin jeung ngabantu kahirupanana. [3] kanjeng Nabi ngawasiatan sangkan ngawangun silaturahim sok sanajan eta jalma geus nukangan hese diajak wawuh. [4] kanjeng Nabi ngawasiatan sangkan ulah epes meer pamoyok nu moyok nalika ngalampahkeun parentah Alloh. [5] kanjeng Nabi ngawasiatan ka kuring sangkan salawasna ngomong bener jeung jujur sok sanajan karasana pait pada dijauhan ku batur. [6] mah mantena ngawasiatan sangkan mindeng ngucapkeun kalimah thayyibah Laa haula wa laa quwwata illaa billaah lantaran eta ucapan bakal jadi investasi cengcelengan keur ahli syurga.” ﴾Hr. Ath-Thobroni jeung Ibnu Hibban﴿

فَوَيْلٌ لِلْمُصَلِّينَ (4) الَّذِينَ هُمْ عَنْ صَلَاتِهِمْ سَاهُونَ (5) الَّذِينَ هُمْ يُرَاءُونَ (6) وَيَمْنَعُونَ الْمَاعُونَ (7)
[4] Cilaka pikeun jalma anu sok sholat. [5] Nyaeta jalma-jalma anu ngalalaworakeun kana sholatna. [6] Jalma-jalma anu riya (hayang pamuji manusa). [7] jeung maranehna teu daek silih tulungan. ﴾Qs. al Ma’un [107]: 4-7﴿

إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ وَإِذَا قَامُوا إِلَى الصَّلَاةِ قَامُوا كُسَالَى يُرَاءُونَ النَّاسَ وَلَا يَذْكُرُونَ اللَّهَ إِلَّا قَلِيلًا (142)
Satemena jalma-jalma munafeq salawasna nipu ka Alloh padahal maranehanana anu katipu mah jeung nalika rek ngadegkeun sholat maranehanana talalangke lantaran hayang katingali ku sakumna manusa jeung teu eling ka Alloh anging ngan kakapeungan. ﴾Qs. an Nisa [4]: 142﴿

عَنْ مَحْمُودِ بْنِ لَبِيدٍ رضي الله عنه قَالَ: قَالَ رَسُولُ اَللَّهِ صلى الله عليه وسلم ( إِنَّ أَخْوَفَ مَا أَخَافُ عَلَيْكُمْ اَلشِّرْكُ اَلْأَصْغَرُ اَلرِّيَاءُ )  أَخْرَجَهُ أَحْمَدُ بِسَنَدٍ حَسَنٍ
Ti Mahmud bin Labid rodiyallohu ‘anhu, anjeunna sasanggem: Rosululloh shollallohu ‘alaihi wa sallam ngandika, “Satemena perkara anu pangdipika sieun ku kuring ti aranjeun nyaeta syirik leutik, riya.” Hr. Ahmad kalayan sanad anu hasan. ﴾Kitab Bulughul Marom﴿

خَطَبَنَا أَبُو مُوسَى الأَشْعَرِيُّ فَقَالَ : خَطَبَنَا رَسُولُ اللهِ صلى الله عليه وسلم ذَاتَ يَوْمٍ فَقَالَ : أَيُّهَا النَّاسُ ، اتَّقُوا هَذَا الشِّرْكَ فَإِنَّهُ أَخْفَى مِنْ دَبِيبِ النَّمْلِ ، فَقَالَ مَنْ شَاءَ أَنْ يَقُولَ : وَكَيْفَ نَتَّقِيهِ وَهُوَ أَخْفَى مِنْ دَبِيبِ النَّمْلِ يَا رَسُولَ اللهِ ؟ قَالَ قُولُوا : اللَّهُمَّ إنَّا نَعُوذُ بِكَ مِنْ أَنْ نُشْرِكَ بِكَ شَيْئًا نَعْلَمُهُ وَنَسْتَغْفِرُك لِمَا لاَ نَعْلَمُ. ﴿مصنّف ابن أبي شيبة﴾
Abu Musa al Asy’ari rodiyallohu ‘anhu, anjeunna khutbah payuneun abdi sadaya: dina hiji dinten Rosululloh shollallohu ‘alaihi sa wa sallam khutbah ka abdi sadaya anjeunna ngandika, “Wahey sakumna manusa! Ati-ati aranjeun bisi kakeunaan ieu syirik (riya) lantaran syirik enu ieu mah nyamuni jeung hampang leuwih hampang batan lengkah sireum.” Aya diantara sahabat anu naroskeun ka kanjeng Nabi: ‘Kumaha ngariksa diri tina eta syirik anu leuwih hampang batan lengkah sireum?.’ Kanjeng Nabi ngawaler: “Prak geura maca du’a: ‘Alloohumma innaa na’uudzu bika min an nusyrika bika syaian na’lamuhu wa nastaghfiruka limaa laa na’lamu -Ya Alloh! Satemena abdi sadaya nyalindung ka Gusti sangkan abdi teu milampah syirik saeutik oge anu dilampahkan kalayan sadar sarta abdi nyuhunkeun pangampura tina dosa syirik anu abdi teu terang yen eta teh laku lampah syirik-’.” ﴾Kitab Mushonnaf Ibnu Abi Syaibah: 10: 337/ al Maktabah al Syamilah﴿

قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ. لَا شَرِيكَ لَهُ وَبِذَلِكَ أُمِرْتُ وَأَنَا أَوَّلُ الْمُسْلِمِينَ.
[162] Pok caritakeun: “Saestuna salat kaula, ibadah kaula, hirup kaula jeung pati kaula, kagungan Alloh, Pangeran anu murbeng alam. [163] Teu aya sarekat pikeun Anjeunna, jeung nya kitu kaula ditimbalan, jeung kaula teh muslim anu pangmimitina.” ﴾Qs. al An’am [6]﴿

Wallohu A’lam bish-showab.