Allah tidak akan mencabut rahmat kecuali dari orang yang durhaka

Alloh moal nyabut rahmat anging ti jalma anu doraka
Hanafi Anshory

إِنَّ عَلَيْنَا لَلْهُدَى (12) وَإِنَّ لَنَا لَلْآخِرَةَ وَالْأُولَى (13) فَأَنْذَرْتُكُمْ نَارًا تَلَظَّى (14)
[12] Satemena ngan Kami anu maparin pituduh mah. [13] Jeung kagungan Kami akherat jeung dunya. [14] Ku kituna Kami ngelingan maraneh ku seuneu anu ngentab-ngentab.  ﴾Qs. al Lail [92]: 12-14﴿

عَنِ النُّعْمَانِ بْنِ بَشِيرٍ يَقُولُ : سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَخْطُبُ ، يَقُولُ : أَنْذَرْتُكُمُ النَّارَ ، أَنْذَرْتُكُمُ النَّارَ حَتَّى لَوْ أَنَّ رَجُلاً كَانَ بِالسُّوقِ لَسَمِعَهُ مِنْ مَقَامِي هَذَا حَتَّى وَقَعَتْ خَمِيصَةٌ كَانَتْ عَلَى عَاتِقِهِ عِنْدَ رِجْلَيْهِ . ﴿المستدرك: 1: 287﴾
Ti Nu’man bin Basyir rodiyallohu ‘anhu, anjeunna sasanggem: Simkuring nguping Rosululloh shollallohu ‘alaihi wa sallam khutbah, anjeunna ngandika: “Kami ngelingan maraneh ku seuneu, kami ngelingan maraneh ku seuneu, dugikeun ka estu upama seug hiji jalma aya dina hiji parahu pinasti manehna baris ngadangu ngentab-ngentabna eta seuneu tina tempat nangtungna kami ieu. Dugikeun (siksa naraka teh) hiji jalma nyimpen dua dampal sampeanana luhureun pundukna.” ﴾Kitab al-Mustadrok: 1: 287/ al Maktabah al Saymilah﴿

لَا يَصْلَاهَا إِلَّا الْأَشْقَى (15) الَّذِي كَذَّبَ وَتَوَلَّى (16) وَسَيُجَنَّبُهَا الْأَتْقَى (17)
[15] Teu aya anu asup ka eta naraka anging jalma anu pangcilakana. [16] nyaeta jalma anu nganggap bohong jeung ngabalieur. [17] jeung rek dijauhkeun eta naraka teh ti jalma-jalma anu pangtakwana. ﴾Qs. al Lail [92]: 15-17﴿

عَنْ أَبِى هُرَيْرَةَ قَالَ سَمِعْتُ أَبَا الْقَاسِمِ الصَّادِقَ الْمَصْدُوقَ -صلى الله عليه وسلم- صَاحِبَ هَذِهِ الْحُجْرَةِ يَقُولُ « لاَ تُنْزَعُ الرَّحْمَةُ إِلاَّ مِنْ شَقِىٍّ ». ﴿سنن أبو داود﴾
Ti Abu Huroiroh rodiyallohu ‘anhu, anjeunna sasanggem: Simkuring nguping Abu al-Qosim ash-Shodiq al-Masduq (anu bener tur ngabenerkeun) shollallohu ‘alaihi wa sallam –anu nyandak ieu al hujroh, agama- anjeunna ngandika, “Moal dicabut rohmat anging ti jalma anu doraka.” ﴾Kitab Sunan Abu Daud: 4: 441/ al Maktabah al Syamilah﴿

عَنْ أَبِي هُرَيْرَةَ ، قَالَ : قَالَ رَسُولُ اللهِ صَلَّى الله عَليْهِ وسَلَّمَ : لاَ يَدْخُلُ النَّارَ إِلاَّ شَقِيٌّ ، قِيلَ : يَا رَسُولَ اللهِ ، وَمَنِ الشَّقِيُّ ؟ قَالَ : مَنْ لَمْ يَعْمَلْ لِلَّهِ بِطَاعَةٍ ، وَلَمْ يَتْرُكْ لَهُ مَعْصِيَةً. ﴿مسند أحمد﴾
Ti Abu Huroiroh rodiyallohu ‘anhu, anjeunna sasanggem: Rosululloh shollallohu ‘alaihi wa sallam ngandika, “moal asup ka naraka anging jalma anu syaqiyyun.” Sahabat tumaros: “Wahey Rosululloh, saha ari syaqiyyun teh?.” Anjeunna ngandika, “Nyaeta jalma anu teu milampah kataatan karana Alloh jeung teu bisa ninggalkeun maksiat karana Alloh.” ﴾Musnad Ahmad: 2: 349﴿

عَنْ أَبِي هُرَيْرَةَ ، أَنَّ رَسُولَ اللهِ صلى الله عليه وسلم قَالَ : كُلُّ أُمَّتِي يَدْخُلُونَ الْجَنَّةَ إِلاَّ مَنْ أَبَى قَالُوا : يَا رَسُولَ اللهِ ، وَمَنْ يَأْبَى قَالَ مَنْ أَطَاعَنِي دَخَلَ الْجَنَّةَ ، وَمَنْ عَصَانِي فَقَدْ أَبَى. ﴿صحيح البخاري﴾
Ti Abu Huroiroh rodiyallohu ‘anhu, satemena Rosululloh shollallohu ‘alaihi wa sallam ngandika, “Sadaya umat kami baris arasup ka syurga anging jalma anu nolak.” Sahabat tumaros: Wahey Rosululloh! Saha anu nolak eta teh?. Anjeunna ngandika, “Saha bae anu taat ka kami baris asup syurga, sarta saha bae anu ma’siyat ka kami mangka satemena manehna parantos nolak diasupkeun ka syurga.” ﴾Shohih Al-Bukhori: 9: 114/ al Maktabah al Syamilah﴿

الَّذِي يُؤْتِي مَالَهُ يَتَزَكَّى (18) 
[18] Jeung jalma anu ngadermakeun hartana lantaran hayang beresih dirina.  ﴾Qs. al Lail [92]:18﴿
عَنْ مَحْمُودِ بْنِ لَبِيدٍ رضي الله عنه قَالَ: قَالَ رَسُولُ اَللَّهِ صلى الله عليه وسلم ( إِنَّ أَخْوَفَ مَا أَخَافُ عَلَيْكُمْ اَلشِّرْكُ اَلْأَصْغَرُ اَلرِّيَاءُ )  أَخْرَجَهُ أَحْمَدُ بِسَنَدٍ حَسَنٍ
Ti Mahmud bin Labid rodiyallohu ‘anhu, anjeunna sasanggem: Rosululloh shollallohu ‘alaihi wa sallam ngandika, “Satemena perkara anu pangdipika sieun ku kuring ti aranjeun nyaeta syirik leutik, riya.” Hr. Ahmad kalayan sanad anu hasan. ﴾Kitab Bulughul Marom﴿

وَمَا لِأَحَدٍ عِنْدَهُ مِنْ نِعْمَةٍ تُجْزَى (19) إِلَّا ابْتِغَاءَ وَجْهِ رَبِّهِ الْأَعْلَى (20) وَلَسَوْفَ يَرْضَى (21)
[19] Jeung teu aya saurang oge anu dipiharep ngabales kana kahadeanana. [20] anging ngan wungkul miharep ridlo Pangeranana anu Maha Luhung. [21] jeung bener-bener jaga manehna bakal ridlo (kana ganjaran ti Mantena). ﴾Qs. al Lail [92]: 8-18﴿

عَنْ مَعْمَرٍ ، قَالَ : أُخْبِرْتُ عَنْ سَعِيدٌ فِي قَوْلِهِ : {وَمَا لِأَحَدٍ عِنْدَهُ مِنْ نِعْمَةٍ تُجْزَى}. قَالَ : نَزَلَتْ فِي أَبِي بَكْرٍ ، أَعْتَقَ نَاسًا لَمْ يَلْتَمِسْ مِنْهُمْ جَزَاءً وَلاَ شُكُورًا ، سِتَّةً أَوْ سَبْعَةً ، مِنْهُمْ بِلاَلٌ ، وَعَامِرُ بْنُ فُهَيْرَةَ. ﴿الطبري﴾
Ti Ma’mar, anjeunna sasanggem: Sa’id nguningakeun ka simkuring ngeunaan dawuhan Alloh Ta’ala: { Jeung teu aya saurang oge anu dipiharep ngabales kana kahadeanana }. Sa’id sasanggem: Ayat eta turun ngeunaan Abu Bakar, anjeunna ngamerdekakeun budak beulian bari henteu miharep walesan kalih kedalan hatur nuhun ti aranjeunna, genep atanapi tujuh budak beulian, diantawisna nyaeta Bilal kalih ‘Amir bin Fuhairoh. ﴾Kitab Tafsir Ath-Thobari﴿

حدَّثَنا هشامُ بنُ عروة عن أبيهِ : أنَّ أبَا بَكْرٍ رضي الله عنه أعْتَقَ سَبْعَةً ، كُلُّهُمْ كَانُوا يُعَذبُونَ فِي اللهِ تَعَالَى ، وَهُمْ : بلاَلُ ؛ وَعَامِرُ بْنُ فُهَيْرَةَ شَهِدَ بَدْراً وَأُحُداً وَقُتِلَ يَوْمَ بئْرِ مَعُونَةَ شَهِيداً. وأمُّ عُمَيس وَزَنِيرَةَ ، فَأُصِيبَ بَصَرُهَا حِينَ أعْتَقَهَا ، فَقَالَتْ قُرَيْشُ : مَا أذْهَبَ بَصَرَهَا إلاَّ اللاَّتُ وَالْعُزَّى! فَقَالَتْ : كَذبُوا وَثَبَّتَها اللهُ ، فَرَدَّ اللهُ بَصَرَهَا. وَأعْتَقَ النَّهْدِيَّةَ وَابْنَتَهَا ، وَكَانَتَا لاِمْرَأةٍ مِنْ بَنِي عَبْدِ الدَّار ، وَمَرَّ بجَاريَةِ بَنِي مُؤَمَّلٍ حَيّ مِنْ بَنِي عَدِيِّ بْنِ كَعْبٍ ، وَكَانَتْ مُسْلِمَةً ، وَعُمَرُ بْنُ الْخَطَّاب يُعَذِّبُهَا لِتَرْكِ الإسْلاَمِ وَهُوَ يَوْمَئِذٍ مُشْرِكٌ ، فَاشْتَرَاهَا أبُو بَكْرٍ فَأَعْتَقَهَا. . . . . الحديث ﴿تفسير القرآن العظيم المنصوب للإمام الطبراني﴾
Parantos nguningakeun ka abdi sadaya hisyam bin ‘Urwah ti ramana: Sayaktosna Abu Bakar rodiyallohu ‘anhu ngamerdekakeun budak beulian tujuh jalmi, sadayana disiksa alatan mertahankeun agama Alloh Ta’ala, aranjeunna nyaeta: [1] Bilal, [2] ‘Amir bin Fuhairoh, pejuang perang Badar kalih perang Uhud sarta syahid nalika dintenan Bi’ri Ma’unah. [3] Ummu ‘Umais kalih [4] Zabiroh, anu harita dina kaayaan teu tiasa ninggali. Kaum Quroisy cumarios: “Henteu aya anu ngaleungitkeun paninggalina kajaba Latta jeung ‘Uzza!.” Waler Zabiroh: “Aranjeun ngabohong!.” Mangka Alloh ngamulihkeun deui paninggalina. Oge Abu Bakar ngamerdekakeun [5] an Nahdiyyah kalih [6] putrana anu istri, anjeunna duaan mangrupikeun dua istri ti Bani ‘Abdi ad-Dar. Oge Abu Bakar ngalangkung ka [7] hiji jariyah, budak beulian awewe Bani Muammal Hayy ti Bani ‘Adi bin Ka’ab, anjeunna muslimah, harita nuju disiksa ku ‘Umar bin Khoththob anu masih musyriq sangkan kaluar tina Islam, mangka ku Abu Bakar dibeuli kalih dimerdekakeun. . . . ﴾Kitab Tafsir Al Qur’an Al ‘Adzim Al Mansub Al Imam Ath Thobroni/ al Maktabah al Syamilah﴿
Wallohu A’lam bish-showab.