naha aya H A D I T S P A L S U (?)

Tema: Élmu Hadits

naha aya   H A D I T S   P A L S U (?)

Ibnu Muharram al ‘Âmilu Muzârii

        1.            Naon HADITS téh (?)

اَلحَدِيْثُ اِصْتِلَاحًا: مَا أُضِيْفَ إِلَى النَّبِيِّ صَلَّى اللهُ عَلَيْهِ وَ سَلَّمَ مِنْ قَوْلٍ أَوْ فِعْلٍ أَوْ تَقْرِيْرٍ أَوْ صِفَةٍ.

AL-HADITS dumasar istilah (‘ulama ahli hadits) nyaéta: Naon-naon anu disarandékeun ka Nabi Shollallohu ‘alaihi wa sallam ngeunaan dawuhan, padamelan, taqrir (katetepan), atanapi sifat. -Taisîr Mustholah Hadits seratan DR. Mahmûd ath-Thohân: 15,

 

      2.            HADITS bénten sareng AL-QUR’AN

إِنَّا نَحْنُ نَزَّلْنَا الذِّكْرَ وَ إِنَّا لَهُ لَحَافِظُوْنَ. ,الحجر: 9-

Saenyana Kami nurunkeun ieu pangwawadi (Qur’än), jeung saenyana Kami pasti anu ngaraksana. -QS. Al-Hijr [15]: 9,

      3.            Fungsi HADITS pikeun AL-QUR’AN

لَقَدْ مَنَّ اللهُ عَلَى الْمُؤْمِنِينَ إِذْ بَعَثَ فِيهِمْ رَسُولا مِنْ أَنْفُسِهِمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلالٍ مُبِينٍ. ,آل عمران: 164-

        Saenyana Alloh geus maparin ni’mat ka kaom mu’minin karana Alloh geus ngutus hiji Rosul (Muhammad) ka maranéhna ti bangsana sorangan, anu mangmacakeun ayat-ayat Alloh ka maranéhna jeung anu nyucikeun maranéhna, jeung anu ngajarkeun kitab (al-Qur’an) katut kitab (sunnah) ka maranéhna, padahal kaayaan maranéhna saméméhna mah aya dina kasasaran anu tétéla. -QS. Ali Imron [3]: 164,

  

     4.            Pahala pikeun jalma muslim anu getol maos HADITS

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا. ,الأحزاب: 56-

Saéstuna Alloh katut malaikat-malaikat-Na ngucapkeun salawat ka Nabi. Yeuh jalma-jalma anu ariman! Arucapkeun salawat kamanéhna, jeung ucapkeun salam kalawan saéstuna. -QS. Al-Ahzab [33]: 56,  

      5.            ÉLMU MUSTHOLAH HADITS sanés badé ngadu-ngadukeun HADITS

عِلْمُ الْمُصْطَلَحِ: عِلْمٌ بِأُصُوْلِ وَ قَوَاعِدَ يُعْرَفُ بِهَا أَحْوَالُ السَّنَدِ وَ الْمَتْنِ مِنْ حَيْثُ الْمَقْبُوْلِ وَ الرَّدِّ.

ÉLMU MUSTHOLAH nyaéta élmu ngeunaan dasar-dasar kalih qaidah-qaidah anu ku éta élmu tiasa kauninga kaayaan-kaayaan sanad (rowi-rowi/jalma-jalma anu nampi hadits), matan (eusi tina hadits) tina perkawis ditampi sareng ditolakna (éta hadits). -Taisîr Mustholah Hadits seratan DR. Mahmûd ath-Thohân: 15,

      6.            Naon anu dimaksad HADITS SHOHIH (?)

اَلصَّحِيْحُ اِصْطِلَاحًا: مَا اتَّصَلَ سَنَدُهُ بِنَقْلِ العَدْلِ الضَّابِطِ عَنْ مِثْلِهِ إِلَى مُنْتَهَاهُ مِنْ غَيْرِ شُذُوْذٍ وَ لَا عِلَّةٍ.

HADITS SHOHIH nyaéta HADITS anu muttasil (nyambung) sanad-na, dicandak ku rowi anu ‘adil (taqwa) bari dhobt (kiat hafalan) ti kawit rowi kahiji dugika terakhir dina (sanad) éta hadits, henteu aya syudzûdz (hadits-hadits anu langkung kiat anu pagedrug), sarta henteu aya ‘illat (panyakit anu nyababkeun cacadna hadits). -Taisîr Mustholah Hadits seratan DR. Mahmûd ath-Thohân: 15,

      7.            Conto HADITS SHOHIH

حَدَّثَنَا يَحْيَى بْنُ مُوْسَى: حَدَّثَنَا وَكِيْعٌ، عَنْ سُفْيَانَ، عَنْ خَالِدِ الحِذَاءِ، عَنْ حَفْصَةَ بِنْتَ سِيْرِيْنَ، عَنْ أُمِّ عَطِيَّةَ رَضِيَ اللهُ عَنْهَا قَالَتْ: لَمَّا غَسَّلْنَا بِنْتَ النَّبِيِّ صَلَّى اللهُ عَلَيْهِ وَسَلَّمَ قَالَ لَنَا، وَنَحْنُ نَغْسِلَهَا: (اِبْدَؤُوْا بِمَيَامِنِهَا وَمَوَاضِعَ الوُضُوْءِ).

Parantos nerangkeun ka abdi sadaya Yahya bin Mûsa: parantos nerangkeun ka abdi sadaya Waqî’, ti Sufyân, ti Khôlid al Hidzâ-i, ti Hafshoh binti Sîrîn, ti Ummi ‘Athiyyah Rodiyallôhu ‘anhâ anjeunna sasanggem: “Nalika abdi sadaya ngebakan putra istri ti Nabi Shollallôhu ‘alaihi wa sallam, mantenna ngadawuh sarta abdi sadaya nuju ngebakan putra istri mantenna éta: “Mimitian ti palih tengenna sarta anggota wudluna.” -Shohîh Al-Bukhôriy: Kitâbul Janâiz: Bâb Mawâdli’il-Wudlûi minal-Mayyiti: no. 1198/ e-book,

      8.            Kumaha hukum ngagunakeun HADITS SHOHIH (?)

حُكْمُهُ: وُجُوْبٌ: اَلْعَمَلُ بِهِ بِإِجْمَاعِ أَهْلِ الحَدِيْثِ وَ مَنْ يَعَتَدَّ بِهِ مِنَ الأُصُوْلِيِّيْنِ وَ الفُقَهَاءِ، فَهُوَ حُجَّةٌ مِنْ حُجَجِ الشَّرْعِ. لَا يَسِعُ الْمُسْلِمُ تَرْكُ العَمَلِ بِهِ.  ,تيسير مصطلح الحديث للدكتور محمود الطحان: 36-

Hukumna ngagunakeun HADITS SHOHIH: Wajib: milampah ‘amal ku hadits shohih dumasar ijma’ (kamufakatan) ahli hadits sarta anu ngagunakeun hadits shohih nyaéta ‘ulama-‘ulama ahli ushul kalih ahli-ahli fiqih. Mangka hadits shohih mangrupikeun hujjah (dalil) diantawis hujjah-hujjah syara’. Hiji muslim moal wantun ngantunkeun amalan anu diuningakeun ngalangkungan hadits shohih. -Taisîr Mustholah Hadits seratan DR. Mahmûd ath-Thohân: 36,

      9.            Naon anu dimaksad HADITS HASAN (?)

قُلْتُ: فَكَأَنَّ الحَسَنَ عِنْدَ ابْنَ حَجَرٍ هُوَ الصَّحِيْحُ إِذَا خَفَّ ضَبْطٍ رَاوِيْهِ, أَيْ قَلَّ ضَبْطُهُ، وَ هُوَ خَيْرٌ مَا عُرِّفَ بِهِ اَلْحَسَنُ. ,تيسير مصطلح الحديث للدكتور محمود الطحان: 46-

Pamendak sim abdi (DR. Mahmud ath-Thohân): Mangka kaya-kaya HADITS HASAN dumasar pamadegan Ibnu Hajar nyaéta HADITS SHOHIH upami rowi HADITS SHOHIH éta khoffa dhobbt (kirang kiat hafalan) nyaéta sakedik hafalanana, mangka éta HADITS SHOHIH dumasar anu atos kauninga, saéna disebat HADITS HASAN. -Taisîr Mustholah Hadits seratan DR. Mahmûd ath-Thohân: 15,

 

    10.            Conto HADITS HASAN

مَا أَخْرَجَهُ التِّرْمِذِيُّ قَالَ: حَدَثَّنَا قُتَوْبَةٌ حَدَّثَنَا جَعْفَرُ بْنُ سُلَيْمَانَ الضُبَعِي عَنْ أَبِيْ عِمْرَانَ الجَوْنِيْ عَنْ أَبِيْ بَكْرِ بْنِ أَبِيْ مُوْسَى الأَشْعَرِيْ قَالَ: سَمِعْتُ أَبِيْ بِحَضْرَةِ العَدُوِّ يَقُوْلُ: قَالَ رَسُوْلُ اللهِ صَلَّى اللهُ عَلَيْهِ وَ سَلَّمَ: إِنَّ أَبْوَابَ الجَنَّةِ تَحْتَ ظِلَالَ السُّيُوْفِ . . . الحَدِيْثُ.

فَهذَا الحَدِيْثُ قَالَ عَنْهُ التِّرْمِذِيُّ: هذَا حَدِيْثٌ حَسَنٌ غَرِيْبٌ.

Sapertos hadits anu at-Tirmidziy ngariwatkeun, anjeunna sasanggem: parantos nerangkeun ka abdi sadaya Qutaibah: parantos nerangkeun ka abdi sadaya Ja’far bin Sulaiman adl-Dluba’iy, ti Abi Imrôn al-Jauniy, ti Abi Bakar bin Abi Musa al-Asy’ariy, anjeunna sasanggem: sim abdi nguping pun bapa cumarios ku ayana musuh-musuh Alloh, anjeunna sasanggem: Rosululloh Shollallohu ‘alaihi wa sallam ngandika: “Sayaktosna panto-panto surga aya dina handapeun ngagurilapna pedang . . .” al-hadits.

Hadits ieu sakumaha kasauran At-Tirmidziy: Ieu hadits hasan gharib.

وَ كَانَ هذَا الحَدِيْثُ حَسَنًا لِأَنَّ رِجَالَ إِسْنَادُهُ الأَرْبَعَةُ ثِقَاتٌ إِلاَّ جَعْفَرَ بْنَ سُلَيْمَان الضُبَعِيْ فَإِنَّهُ حَسَنُ الحَدِيْثِ لِذَالِكَ نَزَلَ الحَدِيْثُ عَنْ مَرْتَبَةَ الصَّحِيْحُ إِلَى الحَسَنِ. ,تيسير مصطلح الحديث للدكتور محمود الطحان: 46- 

Kaayaan hadits di luhur hasan alatan opat rowi dina sanad-na tsiqat (kiat hafalan kalih taqwa) kajaba Ja’far bin Sulaiman adl-Dluba’iy. Mangka saéstuna hasan-na ieu hadits ku perkara éta, hadits éta turun tina tingkatan hadits shohih kana hasan. -Taisîr Mustholah Hadits seratan DR. Mahmûd ath-Thohân: 46,

      11.            Kumaha hukum ngagunakeun HADITS HASAN (?)

هُوَ كَالصَّحِيْحِ فِيْ الإِحْتِجَاجِ بِهِ، وَ إِنْ كَانَ دُوْنَهُ فِيْ القُوَّةِ، لِذَالِكَ اِحْتَجَّ بِهِ جَمِيْعُ الفُقَهَاءِ، وَ عَمِلُوْا بِهِ، وَ عَلَى الإِحْتِجَاجِ بِهِ مُعْظَمٌ الْمُحَدِّثِيْنَ وَ الأُصُوْلِيِّيْنَ، إِلاَّ مَنْ شَذَّ مِنَ المُتَشَدِّدِيْنَ. وَ قَدْ أَدْرَجَهُ بَعْضُ المُتَسَاهِلِيْنَ فِيْ نَوْعِ الصَّحِيْحِ كَالحَاكِمِ وَ ابْنِ حِبَّانَ وَ ابْنِ خُزَيْمَةَ، مَعَ قَوْلِهِمْ بِأَنَّهُ دُوْنَ الصَّحِيْحِ الْمُبِيْنِ أَوَّلًا.

HADITS HASAN sakumaha hadits shohih dina ngajantenkeun hujjah ku éta hadits. Sanaos kitu, kaayaan hadits hasan dihandapeun hadits shohih dina hal kakuatanana. Alatan hal éta sadaya ahli fiqih ngajantenkeun hadits hasan salaku hujjah sareng milampah (sababaraha) amal ku hadits hasan. Kulantaran hadits hasan tiasa dijantenkeun hujjah, ahli-ahli hadits kalih ahli-ahli ushul ngamulyakeunana, kajaba hadits hasan anu pagedrug sareng hadits-hadits anu kiat (shohih). Sarta éstu sababaraha ‘ulama ahli hadits anu mandang énténg parantos ngadarajatkeun (sababaraha) hadits hasan dina macem hadits shohih, kayaning Al-Hakim, Ibnu Hibban kalih Ibnu Khuzaimah, alatan cariosan (shohih) aranjeunna dihandapeun ciri shohih anu tétéla dimimiti. -Taisîr Mustholah Hadits seratan DR. Mahmûd ath-Thohân: 46,

    12.            Naon anu dimaksad HADITS DLOIF (?)

اَلضَّعِيْفُ اِصْطِلَاحًا: هُوَ مَا لَمْ يَجْمَعْ صِفَةُ الحَسَنِ، بِفَقْدِ شَرْطٍ مِنْ شُرُوْطِهِ.

HADITS DLOIF dumasar istilah ahli hadits nyaéta hadits anu henteu ngempel (dina éta hadits) sifat hadits hasan, alatan icalna hiji syarat tina sababaraha syarat (hadits hasan). -Taisîr Mustholah Hadits seratan DR. Mahmûd ath-Thohân: 63,

    13.            Diantawis Tingkatan HADITS-HADITS DLOIF

1)       Hadits Maudlu’ (hadits palsu anu diriwayatkeun ku rowi tukang bohong)

2)     Hadits Matruk (hadits anu diriwayatkeun ku rowi anu katuduh tukang bohong)

3)     Hadits Munkar (hadits anu diriwayatkeun ku rowi anu seueur lepat, ku rowi anu males/henteu taliti, atanapi ku rowi anu fasiq/anu kaluar tina aturan)

4)     Hadits Mu’allal (hadits anu diriwayatkeun ku rowi anu seueur mangmang/ragu)

5)     Hadits Mudrojul-Isnâd (hadits anu susunan rowi dina sanad-na robih tina anu sakedahna)

6)     Hadits Mudrojul-Matni (hadits anu paliron/pacampur teu puguh antawis carios Nabi Shollallôhu ‘alaihi wa sallam sareng cariosan sahabat anjeunna)

7)      Hadits Maqlûb (hadits anu nami rowi-na paliron sareng nami rama-na éta rowi)

8)     Hadits al-Mazîd fî Muttasilil-Asânid (hadits anu aya tambihan rowi dina tengah sanad-na, anu mana hadits anu teu aya tambihan rowi langung kiat)

9)     Hadits Mudlthorib (hadits anu rowi-na pagedrug sareng rowi anu sanés namung tina rowi-rowi éta henteu aya anu langkung saé)

10)   Hadits Majhul (hadits anu diriwayatkeun ku rowi anu henteu dipikawanoh saé sareng awonna)

11)     Hadits Syadz (hadits anu diriwayatkeun ku rowi anu awon pisan hafalanana)

12)   Hadits Mukhtalit/Mukhtalat (hadits anu diriwayatkeun ku rowi anu awon hafalan/ henteu tiasa diandelkeun hafalanana)

13)   Jeung sajabana.

   14.            Kumaha hukum ngagunakeun HADITS-HADITS DLOIF (?)

إِخْتَلَفَ العُلَمَاءُ فِيْ العَمَلِ بِالحَدِيْثِ الضَّعِيْفِ، وَ الَّذِيْ عَلَيْهِ جُمْهُوْرُ العُلَمَاءِ أَنَّهُ يُسْتَحَبُّ العَمَلُ بِهِ فِيْ فَضَائِلَ الأَعْمَالِ لكِنَّ بِشُرُوْطِ ثَلاَثَةٍ. أَوْضَحَهَا الحَفِظُ ابْنُ حَجَرٍ، وَهِيَ:

1)    أَنْ يَكُوْنَ الضَّعْفُ غَيْرَ شَدِيْدٍ.

2)   أَنْ يَنْدَرِجَ الحَدِيْثُ تَحْتَ أَصْلُ مَعْمُوْلٌ بِهِ.

3)  أَنْ لَّا يَعْتَقِدَ عِنْدَ العَمَلِ بِهِ ثُبُوْتِهِ، بَلْ يَعْتَقِدُ الإِحْتِيَاطِ.

Para ‘Ulama ikhtilaf (bénten pamadegan) ngeunaan beramal ngagunakeun hadits dloif. Sarta ngeunaan perkara hadits dloif, Jumhur ‘Ulama’ (kaseuseueuran ‘ulama) mandang kénging beramal ku hadits dloif dina perkara fadlôilul-a’mal (hadits anu nguningakeun amalan-amalan anu ngagaduhan kautamian), namung aya tilu syarat:

1)       Dloif-na éta hadits henteu parna

2)     Darajat éta hadits dloif disahandapeun asal (hadits-hadits) ma’mul bih (hadits-hadits anu tiasa diamalkeun)

3)     Nalika ngamalkeun hadits dloif henteu ngagaduhan kayakinan éta hadits téh pinasti (ti Rosululloh Shollallôhu ‘alaihi wa sallam), malihan kedah gaduh kayakinan pikeun ihtiyât (ati-ati tur taliti). -Taisîr Mustholah Hadits seratan DR. Mahmûd ath-Thohân: 66-67,

    15.            Naha aya HADITS PALSU (?)

اَلْمَوْضُوْعُ اصْطِلاَحًا: هُوَ الكِذْبُ الْمُخْتَلَقُ الْمَصْنُوْعُ الْمَنْسُوْبُ إِلَى رَسُوْلِ اللهِ صَلَّى اللهُ عَلَيْهِ وَ سَلَّمَ.

HADITS MAUDLU’ dumasar istilah ahli hadits nyaéta: Hadits anu bohong anu ngahaja didamel diaya-aya disarandékeun ka Rosululloh Shollallôhu ‘alaihi wa sallam. -Taisîr Mustholah Hadits seratan DR. Mahmûd ath-Thohân: 89,

    16.            Conto HADITS PALSU

حُبُّ الوَطَانُ مِنَ الإِيْمَانِ.

“Cinta ka nagri (anu jadi lemah cai) bagéan tina kaimanan.”

    17.            Wawales pikeun jalma anu malsukeun HADITS

عَنْ عَلِيٍّ يَقُوْلُ: قَالَ النَّبِيُّ صَلَّى اللهُ عَلَيْهِ وَسَلَّمَ: (لَا تَكْذِبُوْا عَلَيَّ، فَإِنَّهُ مَنْ كَذَبَ عَلَيَّ فَلْيَلِجِ النَّارَ).

Hadits katampi ti Shohabat ‘Ali Rodiyallohu ‘Anhu anjeunna sasanggem: Nabi Shollallôhu ‘alahi wa sallam ngandika: “Aranjeun ulah ngabohong atas nami kaula, alatan sayaktosna anjeunna jalma anu ngabohong atas nami kaula mangka pék lebet anjeunna ka naraka.” -Shohîh al-Bukhôriy: Kitâbul-‘Ilmi: Bâb Itsmun man Kadzdzaba ‘ala an-Nabiyyi Shollallôhu ‘alaihi wa sallam,

    18.            Kitab SHOHIH AL-BUKHORI kalih kitab SHOHIH MUSLIM

أَوَّلُ مُصَنَّفٌ فِيْ الصَّحِيْحِ الْمُجَرَّدِ صَحِيْحُ البُخَارِيِّ، ثُمَّ صَحِيْحُ مُسْلِمٍ. وَ هُمَا أَصَحُّ الكُتُبِ بَعْدَ القُرْآنِ، وَ قَدْ أَجْمَعَتِ الأَمَةُ عَلَى تَلَقَّيْ كِتَابَيْهُمَا بِالقُبُوْلِ. ,تيسير مصطلح الحديث للدكتور محمود الطحان: 37-

Anu munggaran kitab shohih anu disusun anu kitab éta kosong (tina hadits anu teu shohih) nyaéta Kitab Shohih Al-Bukhôriy, lajeng Kitab Shohih Muslim. Sarta dua kitab éta mangrupikeun kitab-kitab paling shohih saatosna Al-Qur’an. Sarta éstu para imam ahli hadits sepakat dina diajar kana dua kitab hadits éta kalayan ditampi.  -Taisîr Mustholah Hadits seratan DR. Mahmûd ath-Thohân: 37,

Sing apik dina nyarita, sing taliti dina nepikeun pangarti, sing amanah lamun salah, sing sieun ku Alloh.

wAllôhu A’lam bish-showâb.