hadiah untuk mayyit

PERKARA-PERKARA ANU MANGFAAT PIKEUN MAYYIT

      1.            Du’a kalih Istighfar

وَالَّذِينَ جَاءُوا مِنْ بَعْدِهِمْ يَقُولُونَ رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلًّا لِلَّذِينَ آمَنُوا رَبَّنَا إِنَّكَ رَءُوفٌ رَحِيمٌ(10)

“Jeung jalma-jalma anu daratang sabada maranehna, ngadaro’a: ‘Nun Gusti Pangeran abdi sadaya! Mugi Gusti ngahapunten abdi sadaya, sareng dulur-dulur abdi sadaya anu parantos miheulaan abdi sadaya dina hal imanna, sareng mugi Gusti henteu ngajadikeun dengki dina hate abdi sadaya ka jalmi-jalmi anu parantos ariman. Nun Gusti Pangeran abdi sadaya, sayaktosna Gusti nu mikeheman, nu mikaasih.’” Q.s Al Hasyr : 10

عَنْ أَبِي حَازِمٍ عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ اسْتَأْذَنْتُ رَبِّي أَنْ أَسْتَغْفِرَ لِأُمِّي فَلَمْ يَأْذَنْ لِي وَاسْتَأْذَنْتُهُ أَنْ أَزُورَ قَبْرَهَا فَأَذِنَ لِي

Hadits katampi ti Abu Hazim ti Abu Huroiroh, anjeunna sasanggem,”Rosululloh Saw.. parantos ngadawuh,”Sim abdi nyuhunkeun widi ka Alloh pikeun nyuhunkeun pangapunten kanggo pun biang namung Alloh henteu ngawidian ka sim abdi, mangka sim abdi nyuhunkeun widi kanggo ziarah ka kuburanana, lajeng Alloh ngawidian sim abdi (kanggo ziarah)” H.r.. Ahmad, Muslim, Abu Daud, An-nasai, sareng Ibnu majah.

     2.            Du’a kalih istigfar ti anu janten putra

عَنْ أَبِي أُسَيْدٍ مَالِكِ بْنِ رَبِيعَةَ السَّاعِدِيِّ قَالَ بَيْنَا نَحْنُ عِنْدَ رَسُولِ اللَّهِ صَلَّى اللَّهُ عَلَيْهِ وَسَلَّمَ إِذْ جَاءَهُ رَجُلٌ مِنْ بَنِي سَلَمَةَ فَقَالَ يَا رَسُولَ اللَّهِ هَلْ بَقِيَ مِنْ بِرِّ أَبَوَيَّ شَيْءٌ أَبَرُّهُمَا بِهِ بَعْدَ مَوْتِهِمَا قَالَ نَعَمِ الصَّلَاةُ عَلَيْهِمَا وَالِاسْتِغْفَارُ لَهُمَا وَإِنْفَاذُ عَهْدِهِمَا مِنْ بَعْدِهِمَا وَصِلَةُ الرَّحِمِ الَّتِي لَا تُوصَلُ إِلَّا بِهِمَا وَإِكْرَامُ صَدِيقِهِمَا . رواه أحمد و أبو داودد و ابن ماجة

Hadits katampi ti Abu Usaed Malik bin Rabiah Al-Saidi, anjeunna nguningakeun,”Nalika abdi sadaya nuju marengan Rosululloh, ujug-ujug torojol hiji jalma ti Bani Salamah, anjeunna cumarios,’Nun Rosululloh, Naha aya keneh kasaean-kasaean anu ku sim abdi tiasa dilaksanakeun saparantos sepuh sim abdi ngantunkeun?’ Rosululoh Saw.. ngawaler,’ Muhun (aya), ngadu’akeun aranjeunna, nyuhunkeun pangapunten pikeun aranjeunna, ngalaksanakeun jangji-jangjina saparantos anjeunna teu aya, nepungkeun deui tatali wargi (tali silaturahim) anu tepungna teh alatan aranjeunna, sarta ngamulyakeun sobat-sobat hade aranjeunna’” H.r.. Ahmad, Abu Daud, sarta Ibnu majah.

     3.            Shodaqoh Jariyah, Amal Sholeh Putrana (hasil didikanana), sareng Elmu anu dimangfaatkeun

عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ إِذَا مَاتَ الْإِنْسَانُ انْقَطَعَ عَنْهُ عَمَلُهُ إِلَّا مِنْ ثَلَاثَةٍ إِلَّا مِنْ صَدَقَةٍ جَارِيَةٍ أَوْ عِلْمٍ يُنْتَفَعُ بِهِ أَوْ وَلَدٍ صَالِحٍ يَدْعُو لَهُ . رواه أحمد و مسلم و أبو داود و الترمذي والنسائي

Hadits katampi Abu Hurairah sayaktosna Rosululloh Saw.. anjeunna sasanggem,”Nalika manusa ngantunkeun, mangka pegat amalna kajaba tilu perkara; sodaqoh jariyah, elmu anu dimangfaatkeun, sarta budak sholeh anu ngadu’akeun.” H.r.. Ahmad, Muslim, Abu Daud, At-Tirmizi, sareng An-Nasai